ქუთაისში მდებარე პარლამენტის ყოფილი შენობიდან ინვენტარი გააქვთ. ადგილზე სატვირთო ავტომობილი იმყოფება. მუშების ინფორმაციით, სამუშაოები ორი დღის წინ დაიწყო და შენობიდან გაიტანეს სავარძლები, მაგიდები და სხვა ავეჯი.

შეგახსენებთ, ახალი რეგლამენტით, პარლამენტის ადგილმდებარეობად თბილისი განისაზღვრა და საგაზაფხულო სესია თებერვალში თბილისში გაიხსნება. ქუთაისში მდებარე შენობაში კი საპოლიციო ჰაბი განთავსდება, თუმცა, როდის დაიწყებს ფუნქციონირებას, დაზუსტებული არაა.