საქართველოში სასამართლო რეფორმის კუთხით არსებობს გამოწვევები, ჩვენ ეს ვიცით და მხარს ვუჭერთ ამ რეფორმას, - ამის შესახებ კონგრესმენმა დევიდ პრაისიმ „ამერიკის ხმის“ ქართულ რედაქციასთან საუბარში განაცხადა.
კონგრესმენი კოლეგებთან ერთად ქართველ დეპუტატებს შეხვდა.
“შესანიშნავი შეხვედრა გვქონდა. ჩვენ გვიყვარს საქართველო. ამერიკელ ხალხს უყვარს საქართველო. ის არის შთაგონების წყარო და რთულ რეგიონში იმის მაგალითი, თუ როგორ უნდა გაიდგას ფესვები დემოკრატიამ. ჩვენ ამას ვაფასებთ და გვინდა ყველაფერი გავაკეთოთ ამის მხარდასაჭერად. ჩვენ ვიცით, რომ როგორც ყველა დემოკრატიულ ქვეყანას, საქართველოსაც აქვს გამოწვევები, როდესაც საქმე ეხება კონფლიქტების მოგვარებას, იმის უზრუნველყოფას, რომ ოპოზიციას უსმენენ, კანონის უზენესობის უზრუნველყოფას და სასამართლოს. სასამართლო რეფორმის კუთხით არსებობს გამოწვევები, ჩვენ ეს ვიცით და მხარს ვუჭერთ ამ რეფორმას“, - აღნიშნა კონგრესმენმა.