საქალაქო სასამართლოში თბილისის ბაგა-ბაღების 12 გათავისუფლებული დირექტორის სასამართლო პროცესი მიმდინარეობს

საქალაქო სასამართლოში თბილისის ბაგა-ბაღების 12 გათავისუფლებული დირექტორის სასამართლო პროცესი მიმდინარეობს.

მოსარჩელე მხარეს დირექტორები, ხოლო მოპასუხე მხარეს ბაღების სააგენტო წარმოადგენს.

დღევანდელ სხდომაზე მერიის შიდა აუდიტის სამსახურის უფროსი ბადრი გიორგიძე უნდა დაიკითხოს.

"წინასასამართლო სხდომა მოწმეების დაკითხვაზე გაჩერდა. უნდა დაიკითხოს მერიის შიდა აუდიტის სამსახურის უფროსი ბადრი გიორგიძე. სწორედ მან შექმნა დასკვნა, რომლითაც ფინანსურ დარღვევებს გვედავებიან. არ არსებობს არანაირი აქტი, თუ რამდენი უნდა დაიხარჯოს კვებაზე, შესაბამისად, გაურკვეველია, რას გვედავებიან. საიდან დგინდება, რომ დარღვევა მოხდა. მენიუფაქტურას სააგენტო ადგენდა და ყველა დეტალი დირექტორების მიერ შეთანხმებული იყო სააგენტოსთან. 10 დირექტორს ედავებიან თითქოსდა ზედმეტი თანხა დახარჯეს. ორ დირექტორს კი თევზის დაწვას და კარაქის გაფუჭებას ედავებიან“, - განაცხადა გათავისუფლებული დირექტორების ადვოკატმა ბექა კვინიკაძემ.

საბავშვო ბაღის 12 დირექტორი მერიის შიდა აუდიტის დასკვნის საფუძველზე 2016 წლის მარტში გაათავისუფლეს. ამის შემდეგ დირექტორებმა კოლექტიური სარჩელი შეიტანეს. ისინი სამსახურში აღდგენას და განაცდურის ანაზღაურებას ითხოვენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს