მამუკა ბახტაძე - ნებისმიერი დამატებითი ინვესტიცია ნიშნავს დამატებით სიცოცხლეს ჩვენი რეგიონებისთვის

ჩვენთვის და ჩვენი პოლიტიკური გუნდისთვის რეგიონული განვითარება ყოველთვის გახლდათ პრიორიტეტი და ეს ყველაზე კარგად აისახება როგორც ბიუჯეტის ციფრებში, ისე მის პარამეტრებში, - ამის შესახებ საქართველოს პრემიერ-მინისტრმა, მამუკა ბახტაძემ განაცხადა.

პრემიერი სიტყვით გამოვიდა რეგიონული განვითარებისა და ინფრასტრუქტურის სამინისტროს 2018-2019 წლების ანგარიშის წარდგენამდე.

„2012 წელთან შედარებით ჩვენ ბიუჯეტი ფაქტიურად გავასამმაგეთ რეგიონული განვითარების მიმართულებით, ხოლო შარშანდელ წელთან შედარებით 20%-ით გავზარდეთ 2019 წლის ბიუჯეტი ჩვენი რეგიონებისთვის და მისი ინფრასტრუქტურის განვითარებისთვის. ეს მაჩვენებელი შეადგენს დაახლოებით 2 მლრდ ლარს. ნებისმიერი დამატებითი ინვესტიცია ნიშნავს დამატებით სიცოცხლეს ჩვენი რეგიონებისთვის და ნიშნავს დამატებით შესაძლებლობებს ჩვენი მოქალაქეებისთვის, რომლებიც რეგიონებში ცხოვრობენ. ჩვენი ეკონომიკური პოლიტიკის მთავარი ამოცანა გახლავთ ინკლუზიური ზრდა, ისეთი ტიპის ზრდა, რაც ყველა მოქალაქისთვის მისაწვდომია, ხოლო ეს მიიღწევა მხოლოდ მეცნიერული თანაბარი რეგიონული განვითარებით. ჩემთვის განსაკუთრებით სასიამოვნოა, რომ მნიშვნელოვნად არის გაზრდილი განათლების ინფრასტრუქტურის ინვესტიციები 2019 წლის ბიუჯეტში. რამდენიმე ახალი ათეული სკოლა აშენდება 2019 წელს საქართველოში, მის ყველა კუთხეში და ეს არის ძალიან მნიშვენლოვანი ნაწილი იმ რეფორმის, რომელსაც ჩვენ ვახორციელებთ განათლების სისტემაში. ამასთან ერთად გვაქვს სხვა მნიშვნელოვანი ინფასტრუქტურული პროექტები“, - განაცხადა მამუკა ბახტაძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს