ბექა ბასილაია - მოსამართლე ისე იქცეოდა, როგორც დაინტერესებული პროკურორი - სხდომიდან გაძევების შესახებ გადაწყვეტილებას გავასაჩივრებ

ადვოკატი ბექა ბასილაია საქალაქო სასამართლოს მოსამართლის ბადრი კოჭლამაზაშვილის მიერ სხდომიდან მისი გაძევების თაობაზე მიღებულ გადაწყვეტილებას სააპელაციო სასამართლოში უახლოეს დღეებში გაასაჩივრებს.

მისი თქმით, 30 იანვარს საქალაქო სასამართლოში საბიუჯეტო თანხების გაფლანგვის საქმეზე პროცესი მიმდინარეობდა, რომელშიც ბრალდებულები არიან ყოფილი პრეზიდენტი მიხეილ სააკაშვილი და სდსს-ს ყოფილი ხელმძღვანელი თემურ ჯანაშია.

მისივე ინფორმაციით, საქმეზე მოწმის სახით იკითხებოდა ფინანსთა ყოფილი მინისტრი კახა ბაინდურაშვილი.

ადვოკატის განმარტებით, მოსამართლესა და მას შორის კამათი სწორედ ბაინდურაშვილის დაკითხვისას მოხდა, რა დროსაც მოსამართლემ თავდაპირველად დააჯარიმა, შემდეგ კი სხდომიდან გააძევა.

ადვოკატი მოსამართლეს მიკერძოებულობაში ადანაშაულებს და ამბობს, რომ სააკაშვილისა და ჯანაშიას მიმართ შერჩევითი სამართალი მიმდინარეობს, აქედან გამომდინარე, ბასილაია არ გამორიცხავს, რომ საბიუჯეტო თანხების გაფლანგვის საქმეზე ბრალდებულების მიმართ გამამტყუნებელი განაჩენი დადგეს.

"პიჯაკების საქმეს მოსამართლე აღარ ჰყავს. საქმე განიხილება პროკურორ-მოსამართლე ბადრი კოჭლამაზაშვილის მიერ. ამ პროცესზე ის პროკურორ-მოსამართლედ ჩამოყალიბდა. ამის მკაფიო დასტური იყო ბოლო პროცესზე მოსამართლის ქცევა, როდესაც იკითხებოდა საქმის მნიშვნელოვანი მოწმე ფინანსთა ყოფილი მინისტრი კახა ბაინდურაშვილი. მოწმე, რომელიც ისედაც დამფრთხალი იძლეოდა ჩვენებებს და ისედაც პროკურორების წნეხის ქვეშ არის, მოსამართლემ არ მისცა დაცვის მხარეს მოწმის ჯეროვანი დაკითხის საშუალება. მოსამართლე დაცვის მხარეს არ აძლევდა დაესვა ისეთი მნიშვნელოვანი კითხვები, რაც თემურ ჯანაშიას გამართლებას იწვევდა. მეტიც, პასუხები, რაც ჯანაშიას უდანაშაულობას ადასტურებდა, მოსამართლემ უბრალოდ გააუქმა. თქვა, რომ მოწმეს ამაზე საკმარისი კომპეტენცია არ აქვს და მოწმის ჩვენების ინტერპრეტაციას თავად აკეთებდა. მოსამართლე იქცეოდა ისე, როგორც დაინტერესებული პროკურორი. ყველამ კარგად იცის, რომ ეს საქმე არის შერჩევითი მართლმსაჯულების მკაფიო ნუმუში", - განაცხადა ბასილაიამ.

ბრალის დამტკიცების შემთხვებაში, რომელიც საბიუჯეტო თანხების არამიზნობრივად გაფლანგვას გულისხმობს, მიხეილ სააკაშვილს და თემურ ჯანაშიას 7-დან 11-წლამდე პატიმრობა ემუქრებათ.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება