დავით სერგეენკოს განცხადებით, სოციალურ მუშაკებთან დაკავშირებით სისტემური ცვლილებები იგეგმება

ჯანდაცვის სამინისტრო სოციალური პოლიტიკის მიმართულებით სისტემურ რეფორმებს დაიწყებს,- ამის შესახებ ჯანდაცვის მინისტრმა დავით სერგეენკომ ჟურნალისტებს განუცხადა. როგორც სერგეენკომ აღნიშნა, უკვე შემუშავებულია სპეციალური სამოქმედო გეგმაც.

„როგორც სოციალურ პოლიტიკაში, ასევე სოციალურ სამუშაოში, რომელსაც სოცმუშაკები ახორციელებენ, სისტემური ცვლილებები დიდი ხნის წინ არის დაგეგმილი. შარშან, წლის ბოლოს უკვე შემუშავდა სპეციალური სამოქმედო გეგმა, რომელიც არის პასუხი პარლამენტის მიერ მიღებულ კანონზე",- განაცხადა სერგეენკომ.

რაც შეეხება თბილისში, სანზონაში, 4 წლის ბავშვის გარდაცვალების შემთხვევას, სერგეენკოს თქმით, სისტემური რეფორმები იქნება, რაც მიმართულია უფრო მეტი შედეგისაკენ.

„რა თქმა უნდა, ეს არ არის სისტემური პრობლემა, ეს არის კონკრეტული შემთხვევა, თუმცა სისტემური რეფორმები იქნება, რაც მიმართულია უფრო მეტი შედეგისაკენ",- განაცხადა სერგეენკომ.

შეგახსენებთ, რომ 4 წლის გოგონას გარდაცვალების საქმეზე, 4 სოცმუშაკი გაათავისუფლეს, სოციალური პროგრამების დეპარტამენტის უფროსმა კი თანამდებობა საკუთარი სურვილით დატოვა.

იხილეთ ვიდეო:

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს