კახა კალაძე - კიკვიძის ბაღში ბიზნესაქსელერატორი გავხსენით, ახალგაზრდებს ვეხმარებით ბიზნესგეგმის დაწერაში

ნებისმიერ ადამიანს შეუძლია დარეგისტრირდეს, წარადგინოს თავისი იდეა, მოვიდეს აქ და მაქსიმალური ხელშეწყობა და თანადგომა მიიღოს”, - ამის შესახებ თბილისის მერმა კახა კალაძემ ევროკავშირის ელჩთან ერთად ბიზნესაქსელერატორის გახსნის შემდეგ განაცხადა.

„დღეს კიკვიძის ბაღში ბიზნესაქსელერატორი გავხსენით. ეს ძალიან მნიშვნელოვანი პროექტია, რომლითაც ჩვენ ხელს ვუწყობთ ახალგაზრდებს თავიანთი იდეების განხორციელებაში, ვეხმარებით ბიზნესგეგმის დაწერაში, ბიზნესთან კომუნიკაციაში, რომ მათი იდეების რეალობად ქცევა შევძლოთ. ჩვენ ამ პროექტში გვეხმარება ევროკავშირი. მათი მხრიდან გამოყოფილია 500 000 და ჩვენც ვამატებთ თანხებს, რომ ამით მოხდეს ხელშეწყობა და იყოს ახალგარდების ჩართულობა, რაც ძალიან მნიშვნელოვანია. ნებისმიერ ადამიანს შეუძლია დარეგისტრირდეს, წარადგინოს თავისი იდეა, მოვიდეს აქ და მაქსიმალური ხელშეწყობა და თანადგომა მიიღოს”, - განაცხადა კალაძემ.

ევროკავშირის ელჩის კარლ ჰარცელის თქმით, აღნიშნული პროექტი არის ნაწილი დიდი ინიციატივისა “მერები ქალაქების განვითარებისთვის”.

“მოხარული ვარ ამ ღონისძიებაში მონაწილეობით, რადგან ეს არის ნაწილი დიდი ინიციატივისა “მერები ქალაქების განვითარებისთვის”. ამ ინიციატივის მიზანია, რომ ნიჭიერ მეწარმეებს აღმოვუჩინოთ დახმარება მათი იდეების რეალიზებაში. ჩვენ ვთანამშრომლობთ მუნიციპალიტეტთან და სხვადასხვა სამინისტროებთან. დღეს მე უკვე ვნახე ბევრი ძალიან ნიჭიერი ახალგაზრდა გამომგონებელი, რომლებსაც ძალიან საინტერესო პროდუქტი აქვთ”, - აღნიშნა ელჩმა.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა