სააგენტო EFE - ევროპარლამენტი ხუან გუაიდოს ვენესუელას დროებით პრეზიდენტად აღიარების შესახებ რეზოლუციას მიიღებს

ევროპარლამენტი ხუან გუაიდოს ვენესუელას დროებით პრეზიდენტად აღიარების შესახებ დღეს რეზოლუციას მიიღებს.

ამის შესახებ ინფორმაციას საინფორმაციო სააგენტო EFE ევროპარლამენტში საკუთარ წყაროზე დაყრდნობით ავრცელებს.

საინფორმაციო სააგენტოს ინფორმაციით, რეზოლუციას მხარს დაუჭერენ „ევროპის სახალხო პარტიისა“ და „სოციალისტების“ წარმომადგენლები. რეზოლუციაში ასევე იქნება მოწოდება, რომ ევროკავშირის დიპლომატიური სამსახურის ხელმძღვანელმა ფედერიკა მოგერინიმ და ევროკავშირის წევრმა ქვეყნებმა ხუან გუაიდო ვენესუელას დროებით პრეზიდენტად აღიარონ, ვიდრე ქვეყანაში თავისუფალი და გამჭვირვალე არჩევნები არ გაიმართება.

შეგახსენებთ, რომ 23 იანვარს ოპოზიციის კონტროლის ქვეშ მყოფმა ვენესუელას პარლამენტის სპიკერმა ხუან გუაიდომ თავისი თავი ვენესუელას დროებით პრეზიდენტად გამოაცხადა. იმავე დღეს ის ამ სტატუსით აშშ-ს პრეზიდენტმა დონალდ ტრამპმა სცნო. აღსანიშნავია, რომ საქართველო ერთ-ერთი პირველი ქვეყანა იყო, ვინც ხუან გუაიდო ვენესუელას დროებით პრეზიდენტად აღიარა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის