მამუკა კაციტაძე - NDI-ს კვლევამ დაადასტურა, რომ  „ქართულ ოცნებას“ ყავლი გასდის

NDI-ს კვლევამ დაადასტურა, რომ „ქართულ ოცნებას“ ყავლი გასდის, თან ძალიან მაღალ დინამიკაში, - ამის შესახებ „ახალი მემარჯვენეების“ ლიდერმა მამუკა კაციტაძემ „პალიტრანიუსის“ გადაცემა „ნიუსრუმის“ ეთერში განაცხადა.

კაციტაძე გამოეხმაურა „ეროვნულ-დემოკრატიული ინსტიტუტის“(NDI) კვლევას, რომელიც გუშინ გამოქვეყნდა.

„რაც შეეხება კვლევას. ზოგადად, სოციოლოგიური კვლევა არ არის დიაგნოზი და ბეჭდის დასმა, ეს არის მეცნიერება, რომელმაც უნდა დაანახოს დაინტერესებულ მხარეს, თუ რა ტენდენციებს აქვს ადგილი ჩვენს ქვეყანაში. ჭკვიანი კაცი ამ ყველაფერს გამოიყენებს, უჭკუო კი არ მიაქცევს ყურადღებას. ყველაზე მნიშვნელოვანი, რაც ამ კვლევიდან ამოვიკითხე, არის ის, რომ ხელისუფლებას, ანუ „ქართულ ოცნებას“ ყავლი გასდის ძალიან მაღალ დინამიკაში და მეორე, საზოგადოება ითხოვს რაღაც ახალს. მობეზრდა ის, რაც იყო, შესაბამისად, ითხოვს რაღაც ახალს, პოლიტიკურ ნაწილში. კვლევამ ასევე დაადასტურა, რომ ახალი არაფერია პრობლემათა ნუსხაში, სადაც ძირითადად ისევ წინ არის წამოწეული სოციალური და ეკონომიკური პრობლემები“, - განაცხადა მამუკა კაციტაძემ.

მისივე თქმით, ყურადღება მისაქცევია ასევე დემოკრატიის და კორუფციის პრობლემები, რაც მოსახლეობას აწუხებს და ეს ყველაფერი იმ ბლოკში ერთიანდება, რომ „ხელისუფლებას ყავლი გასდის“.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ