ბექა ნაცვლიშვილი - ეტყობა, საკმარისი რეგულაციები არ არის, რაც გაზით გარდაცვალების შემთხვევების პრევენციას მოახდენდა

ეტყობა, საკმარისი რეგულაციები არ არის, რაც გაზით გარდაცვალების შემთხვევების პრევენციას მოახდენდა, - ამის შესახებ საქართველოს პარლამენტის უმრავლესობის წევრმა ბექა ნაცვლიშვილმა ქეთევან წამებულის გამზირზე ჟურნალისტებს განუცხადა, სადაც 7 ადამიანი სავარაუდოდ CO-თი ინტოქსიკაციით გარდაიცვალა.

როგორც ნაცვლიშვილმა აღნიშნა, უნდა გახშირდეს და გამკაცრდეს ადგილებზე შემოწმებები.

„ეტყობა საკმარისი რეგულაციები არ არის, რომელიც ამის პრევენციას მოახდენდა. ეს მარტო რეგულაციების საკითხი არ არის, ადამიანები არიან იმდენად შეჭირვებულები, რომ არ აქვთ შესაძლებლობა სრულფასოვანი ინფრასტრუქტურა და გამათბობელი ჰქონდეთ. ეს არის პრობლემა. ამ შემთხვევაში, გარდა რეგულაციებისა, ზოგადი ფონიც არის მძიმე იმისთვის, რომ ჩვენ სხვა რამეზეც ვიფიქროთ. ის, რომ უნდა გახშირდეს და გამკაცრდეს ადგილებზე შემოწმება, ფაქტია. რაც ამ ბოლო თვეების განმავლობაში ხდება, დაუშვებელია ამას მშვიდად შევხედოთ და შევეგუოთ. როგორც ჩანს, ეს ადამიანები იყვნენ სამუშაოდ ჩამოსული თბილისში. ნათესაური კავშირი არის თუ არა, არ ვიცი. რომელი რეგიონიდან არიან, არ ვიცი“, - განაცხადა ნაცვლიშვილმა.

ცნობისთვის, ქეთევან წამებულის 67 ნომერში, ნაქირავებ ბინაში 7 მამაკაცია გარდაცვლილი. წინასწარი ინფორმაციით, გარდაცვალება CO-თი ინტოქსიკაციამ გამოიწვია. „ყაზტრანსგაზ თბილისის“ ინფორმაციით, ბინაში გაზის დანადგარი კუსტარულად იყო დამონტაჟებული.

ფაქტზე გამოძიება სსკ-ის 240-ე მუხლის მესამე ნაწილი დაიწყო, რაც გულისხმობს ელექტრო, ან თბოენერგიის, გაზის, ნავთობის, ან ნავთობპროდუქტების უსაფრთხოების წესების დარღვევას, რასაც მოყვა 2, ან მეტი ადამიანის სიცოცხლის მოსპობა.

ვიქტორ ყიფიანი - სავსებით მისაღებად მიმაჩნია პანდემიაზე, როგორც ვირუსოლოგიურ უბედურებაზე და იმავდროულად გლობალურად აუცილებელი ცვლილებების დამაჩქარებელზე საუბარი
ქართული პრესის მიმოხილვა 09.04.2020
დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
„გაგუას კლინიკამ“ რესპუბლიკურ საავადმყოფოს 10 ელექტროფუნქციური საწოლი საჩუქრად გადასცა
„ტერასა ჯგუფმა“ ორასამდე სოციალურად დაუცველ ოჯახს საკვები პროდუქტები გადასცა
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა