ბულაჩაურის ქუჩაზე მდებარე საცხოვრებელ კორპუსში ბინა, სადაც დღეს საღამოს აფეთქება მოხდა, გაქირავებული იყო.როგორც „ინტერპრესნიუსს“ ბინის მფლობელმა განუცხადა, ბინა ორ ახალგაზრდა მამაკაცზე დღეს საღამოს გააქირავა. ბინის მეპატრონე აღნიშნავს, რომ საცხოვრებელ სახლში უსაფრთხოების ნორმები ყველანაირად დაცული იყო.
„ორ ახალგაზრდა მამაკაცს დღეს საღამოს მივაქირავე ბინა. არ ვიცი მათ რა გააკეთეს, ამ პირებს მე ვერ ვპოულობ. რაც შეეხება უსაფრთხოების ზომებს, ყველანაირად დაცული იყო“, - აღნიშნა ბინის მფლობელმა.
ამჟამად შემთხვევის ადგილზე ცეცხლი სრულად ლიკვიდირებულია. მეხანძრე მაშველებმა მუშაობა დაასრულეს. საგამოძიებო მოქმედებებს ადგილზე შსს აწარმოებს.
იხილეთ ვიდეო: პირველი კომენტარი ბინის მეპატრონესთან, სადაც სავარაუდოდ გაზის აფეთქება მოხდა