დავით ზალკალიანი - ევროკომისიის ანგარიში კიდევ ერთხელ ამყარებს იმ კურსის სისწორეს, რომელიც აქვს ქვეყნის ხელისუფლებას

ევროკომისიის მსგავსი ანგარიში კიდევ ერთხელ ამყარებს იმ კურსის სისწორეს, რომელიც აქვს ქვეყნის ხელისუფლებას აღებული ეკონომიკური რეფორმების განხორციელების კუთხით, დემოკრატიული ინსტიტუტების გაძლიერების თვალსაზრისით და ქვეყანაში მიმდინარე პოლიტიკური პროცესების მართვის მიმართულებით, - ამის შესახებ საგარეო საქმეთა მინისტრმა დავით ზალკალიანმა საქართველოს მიერ ასოცირების ხელშეკრულების შესრულების შესახებ ევროკომისიის მიერ გამოქვეყნებული ანგარიშის შეფასებისას განაცხადა.

საგარეო უწყების ხელმძღვანელის თქმით, საქართველოს უპირატესობა აღმოსავლეთ პარტნიორობის ქვეყნებს შორის არაერთხელ აღინიშნა საერთაშორისო პარტნიორების მხრიდან. მისივე თქმით, საქართველოს ხელისუფლებას აქვს ამბიციური გეგმები ევროკავშირში ინტეგრაციის მიმართულებით და იმაზე მეტს გააკეთებს, ვიდრე ამას ასოცირების ხელშეკრულებით ნაკისრი ვალდებულებები ითვალისწინებს.

შეგახსენებთ, რომ ევროკავშირმა გამოაქვეყნა ყოველწლიური ანგარიში საქართველოს მიერ ასოცირების ხელშეკრულების შესრულების შესახებ, რომელიც დეტალურად ასახავს საქართველოში განხორციელებულ წარმატებულ რეფორმებს მთელი რიგი მიმართულებებით, მათ შორისაა დემოკრატია და საჯარო მმართველობა, ადამიანის უფლებების დაცვა, მართლმსაჯულება და კანონის უზენაესობა, კორუფციისა და ორგანიზებული დანაშაულის წინააღმდეგ ბრძოლა, საზღვრის დაცვა, ეკონომიკური განვითარება და ვაჭრობა, რეგიონული განვითარება და ციფრული ეკონომიკა, სოფლის მეურნეობა, გარემოს დაცვა, კლიმატის ცვლილება, ჯანდაცვა, განათლება, ტურიზმი, ტრანსპორტი და ენერგეტიკა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა