საქართველოს პროკურატურა სტაჟიორთა მისაღებ კონკურსს აცხადებს

საქართველოს პროკურატურამ სტაჟიორთა მისაღები კონკურსის მორიგი ეტაპი გამოაცხადა. როგორც „ინტერპრესნიუსს“ პროკურატურის პრესსამსახურიდან აცნობეს, კონკურსში მონაწილეობა შეუძლიათ უმაღლესი იურიდიული განათლების მქონე საქართველოს მოქალაქეებს.

„ბოლო წლების განმავლობაში პროკურატურის ორგანოებში სტაჟირება 600-ზე მეტმა იურისტმა გაიარა. დღეისათვის საქართველოს პროკურატურაში პროკურორების და გამომძიებლების 50%-ზე მეტი სწორედ სტაჟირების გზით არის დასაქმებული, მათ შორის, მენეჯერულ პოზიციებზე მყოფი პირები.

სტაჟირების კონკურსში მონაწილეობის მსურველებმა, საკონკურსო განაცხადი (აპლიკაცია) 2019 წლის 1 თებერვლიდან 14 თებერვლის ჩათვლით საჯარო სამსახურის ბიუროს ვებგვერდის www.hr.gov.ge მეშვეობით უნდა წარმოადგინონ. სააპლიკაციო განაცხადს თან უნდა ერთვოდეს: საქართველოს მოქალაქის პირადობის მოწმობის (ან პასპორტის) ასლი, დიპლომის ასლი (ან ცნობა უმაღლესი განათლების შესახებ), სერტიფიკატის ასლი პროკურატურის მუშაკთა საკვალიფიკაციო გამოცდის, ან მოსამართლეობის საკვალიფიკაციო გამოცდის, ან ადვოკატთა საკვალიფიკაციო გამოცდის ჩაბარების შესახებ (ასეთი დოკუმენტების არსებობის შემთხვევაში). სტაჟიორობის კანდიდატები, რომლებიც წარმატებით გაივლიან კონკურსს და არ აქვთ ჩაბარებული საკვალიფიკაციო გამოცდა, სტაჟიორად დაინიშნებიან შესაბამისი საკვალიფიკაციო გამოცდის ჩაბარების შემდეგ.

შესარჩევი კონკურსი 4 ეტაპად ჩატარდება და მოიცავს შემდეგ ძირითად საფეხურებს: განცხადების გადარჩევა; პროფესიული ტესტირება; ტესტირება ზოგად უნარებში; გასაუბრება.

ყველა საკონკურსო ეტაპის წარმატებით გავლის შემთხვევაში, მონაწილეებს შესაძლებლობა მიეცემათ საქართველოს პროკურატურაში გაიარონ 1 წლამდე ანაზღაურებადი სტაჟირება. ხელფასის ოდენობა ყოველთვიურად 480 ლარს შეადგენს. ამ ეტაპს წინ უძღვის სტაჟიორთა მოსამზადებელი სასწავლო კურსი, რომელსაც საქართველოს პროკურატურის წამყვანი სპეციალისტები და მენეჯერები უძღვებიან. სტაჟირების კონკურსი ნებისმიერი მსურველისათვის არის საუკეთესო გზა დასაქმდეს და განავითაროს საკუთარი კარიერა საქართველოს პროკურატურაში.

კონკურსის ეტაპებთან დაკავშირებით დეტალური ინფორმაციისათვის, გთხოვთ, იხილოთ თანდართული დოკუმენტი“, - ნათქვამია პროკურატურის ინფორმაციაში.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს