რუსეთმა არ უნდა აღიაროს სტრასბურგის სასამართლოს გადაწყვეტილება რუსეთიდან დეპორტირებული საქართველოს მოქალაქეებისთვის 10 მილიონი ევროს გადახდის თაობაზე, - ამის შესახებ რუსეთის სახელმწიფო დუმის საერთაშორისო ურთიერთობების კომიტეტის ხელმძღვანელის მოადგილემ ალექსეი ჩეპამ განაცხადა.
„ჩვენ არ ვმონაწილეობთ ევროპის საბჭოს საპარლამენტო ასამბლეის სხდომებში. ჩვენ არ აგვირჩევია ადამიანის უფლებათა ეს მოსამართლეები. შესაბამისად, ჩვენ არ უნდა ვაღიაროთ ევროპის სასამართლო ინსტანციების გადაწყვეტილებები“, - განაცხადა რუსმა პარლამენტარმა.
შეგახსენებთ, რომ გუშინ სტრასბურგის სასამართლომ მოსკოვს, რუსეთიდან დეპორტირებული საქართველოს მოქალაქეებისთვის კომპენსაციის სახით 10 მილიონი ევროს გადახდა დააკისრა.