ფარული ჩანაწერების საქმეზე დაკავებულ „ნაციონალური მოძრაობის“ აქტივისტსა და მის დას ბრალს სავარაუდოდ, ხვალ წარუდგენენ

ფარულ ვიდეოჩანაწერებთან დაკავშირებით დაკავებული „ერთიანი ნაციონალური მოძრაობის“ აქტივისტსა და მის დას, ირმა და ინგა ხოროიშვილებს ბრალს სავარაუდოდ, ხვალ წარუდგენენ.

ამის შესახებ „ინტერპრესნიუსს“ დაკავებულების ადვოკატმა, ლევან დავითაიამ განუცხადა.

ის ჯერ მის დაცვის ქვეშ მყოფებს არ შეხვედრია, შესაბამისად, მომხდართან დაკავშირებით მათი პოზიცია ადვოკატისთვის უცნობია.

„მათ სავარაუდოდ, ბრალად ედებათ პირადი ცხოვრების ამსახველი ინფორმაციის, ან პერსონალური მონაცემების ხელყოფა. კონკრეტულად რომელი ნაწილით მიმდინარეობს გამოძიება, სამწუხაროდ, არ ვიცი, რამდენიმე საათში მეცოდინება“, - განაცხადა დავითაიამ.

შეგახსენებთ, რომ ფარულ ვიდეოჩანაწერებთან დაკავშირებით დღეს, შსს-მ 16 პირი დააკავა. მათგან ერთ-ერთი მომღერალი, პროექტ „იქს ფაქტორის“ მონაწილე, გიორგი გასვიანიცაა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა