თუ საზოგადოების დაკვეთა იქნება, რომ გარკვეული რეგულაციები შემუშავდეს და ევროსტანდარტებთან იყოს დაახლოებული, ვფიქრობ, ეს პროცესი გარკვეულწილად მისაღები უნდა იყოს, - ამის შესახებ "ადვოკატთა და იურისტთა საერთაშორისო ობსერვატორიის” ადვოკატმა გრიგოლ გაგნიძემ განაცხადა, რითაც ცილისწამების საკითხზე კანონმდებლობის გამკაცრების კუთხით პრეზიდენტის ინიციატივას გამოეხმაურა.

მისი შეფასებით, პრეზიდენტის ინიციატივა ეროვნული კანონმდებლობის ახალი ფრანგული მოდელის მიხედვით შეცვლის თაობაზე, არის საინტერესო და განხორციელებადი.

„წინასაარჩევნო პერიოდი სავსე იყო ქალი პრეზიდენტის მიმართ დისკრიმინაციითა და სერიოზული ბრალდებებით მოღალატეობასთან დაკავშირებით. დღევანდელი კანონმდებლობით ეს არ არის დასჯადი და სწორედ ამან გამოიწვია პრეზიდენტის დღევანდელი ინიციატივა“, - აღნიშნა მან.

აღნიშნულ საკითხზე პრეზიდენტი ამ წუთებში არასამთავრობო სექტორის წარმომადგენლებს ხვდება.