იუსტიციის უმაღლეს საბჭოში უვადო მოსამართლეობის მსურველ კანდიდატებთან გასაუბრების პროცესი დასრულდა

იუსტიციის უმაღლეს საბჭოში უვადო მოსამართლეობის მსურველ კანდიდატებთან გასაუბრების პროცესი დასრულდა. საბჭო დღეს 8 კანდიდატს გაესაუბრა.

როგორც ჟურნალისტებს იუსტიციის უმაღლესი საბჭოს მოსამართლე წევრმა, თამარ ონიანმა განუცხადა, გასაუბრება ღია ფორმატით ჩატარდა, კანდიდატებისგან კი საბჭომ დასაბუთებული პასუხები მოისმინა.

„ეს ის მოსამართლეები არიან, რომლებსაც გამოსაცდელი ვადა 15 თებერვალს ეწურებათ. სწორედ იმ ნიშნით შევარჩიეთ ისინი 48 მოსამართლიდან, რომ 15 თებერვლამდე გადაწყდეს საკითხი მათი უვადოდ განმწესების ან არგანმწესების შესახებ. გასაუბრებამ საქმიან და ღია ფორმატში ჩაიარა. მათ დავუსვით კითხვები, როგორც პროფესიული თვალსაზრისით ასევე 2012 წლამდე გამამტყუნებელ განაჩენებთან დაკავშირებით. მათგან მოვისმინეთ საკმაოდ დასაბუთებული პასუხი. დანარჩენ მოსამართლეებს 3-წლიანი გამოსაცდელი ვადა ეწურებათ 2020 წელს და ჩვენ სწორედ ამ ნიშნით დავნიშნავთ მათთან გასაუბრებას", - განაცხადა თამარ ონიანმა.

იუსტიციის უმაღლესი საბჭო დღეს უვადო მოსამართლეობის მსურველ შემდეგ კანდიდატებს გაესაუბრა : ეკა არეშიძეს, გია ბერაიას, ლერი თედორაძეს, ინდირა მაშანეიშვილს, სალიხ შაინიძეს, ნატო ხუჯაძეს, ნატრული აკობიას და მერაბ ჯორბენაძეს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა