თემქაზე მოკლული ანა ნაცვლიშვილის მამა - ლადო გრიგალაშვილი ამბობს, რომ ანა მისმა დაქალმა მოკლა

თემქაზე მოკლული 20 წლის ანა ნაცვლიშვილის მამა, მამუკა ნაცვლიშვილი აცხადებს, რომ ლადო გრიგალაშვილი მისი შეყვარებულის მკვლელობას მოკლულის მეგობარ გოგონას აბრალებს.

აღნიშნული ინფორმაცია „ინტერპრესნიუსს“ ანა ნაცვლიშვილის მამამ, მამუკა ნაცვლიშვილმა მიაწოდა.

„ციხიდან გამოვიდა ხმები, რომ ჩემი შვილის მკვლელობაში მსჯავრდებული ლადო გრიგალაშვილი ლაპარაკობს, ანა მისმა დაქალმა მოკლაო. მე ვუყვარდი და შური იძიაო - ასე ამბობს. რა თქმა უნდა, ეს არის სისულელე, აბსურდი! ადვოკატმა სასამართლო პროცესზე ისეთები ისაუბრა... თან ცდილობს დარწმუნებას, რომ მკვლელობა გრიგალაშვილს არ ჩაუდენია, თან იმას ამბობს, ერთი ადამიანის გაკეთებული ეს არ არისო, მუხლის შეცვლასაც და სასჯელის აცილებასაც ცდილობს. რამდენ თამაშს თამაშობს, ვერ გავიგე“, - განაცხადა ნაცვლიშვილმა.

პროცესი თბილისის სააპელაციო სასამართლოში 14 მარტს, 16:00 საათზე ჩაინიშნა.

შეგახსენებთ, რომ საქმე ეხება, 2018 წლის 22 თებერვალს, განსაკუთრებული სისასტიკით, მსჯავრდებულთან სასიყვარულო ურთიერთობაში მყოფი პირის ანა ნაცვლიშვილის მკვლელობას. გამოძიების ინფორმაციით, ლადო გრიგალაშვილმა გამთენიისას შეყვარებული სახლიდან გაიხმო და დანის მრავალჯერადი და მრავლობითი დარტყმით, მას 33 ჭრილობა მიაყენა. თავისა და კისრის არეში მიყენებული სასიკვდილო ჭრილობებით ანა ნაცვლიშვილი ადგილზე გარდაიცვალა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს