ადვოკატი - ინგა ხოროიშვილი ვიდეოს რამე სახით გავრცელებას არ აღიარებს

ინგა ხოროიშვილი ვიდეოს რამე სახით გავრცელებას და მსგავსი ტიპის დანაშაულში მონაწილეობას, რა თქმა უნდა არ აღიარებს, - ამის შესახებ „ინტერპრესნიუსს“ ფარულ ვიდეოჩანაწერებთან დაკავშირებით დაკავებული დებიდან ერთ-ერთის, ინგა ხოროიშვილის ადვოკატმა, ლევან დავითაიამ განუცხადა. ის „ერთიანი ნაციონალური მოძრაობის“ დაკავებული აქტივისტის, ირმა ხოროიშვილის დაა.

როგორც დავითაია აცხადებს, დები მთელი რიგი დარღვევებით დააკავეს. ადვოკატი ხაშურის პოლიციის სამმართველოს დროებითი მოთავსების იზოლატორში ირმა ხოროიშვილის მოსანახულებლად მიდის.

„მას ვიდეო ერთ-ერთი სოციალური ქსელის მეშვეობით გამოუგზავნეს. დანარჩენ დეტალებს მოგვიანებით მოგახსენებთ. მეორე დასთან ამ წუთებში მივემგზავრები“, - აღნიშნა დავითაიამ.

შეგახსენებთ, რომ ფარულ ვიდეოჩანაწერებთან დაკავშირებით დღეს შსს-მ 16 პირი დააკავა.