2-3 თებერვალს საქართველოს უმეტეს რაიონში წვიმა და ქარია მოსალოდნელი

2-3 თებერვალს, საქართველოს უმეტეს რაიონში წვიმა და ქარია მოსალოდნელი. გარემოს ეროვნული სააგენტოს ინფორმაციით, 3 თებერვალამდე საქართველოს მაღალმთიან რეგიონებში მოსალოდნელია თოვლი, ზოგან - ძლიერი, ნისლი და ქარბუქი. დაბლობსა და ბარში მოსალოდნელია წვიმა, დროგამოშვებით იქროლებს დასავლეთის მიმართულების ძლიერი ქარი, ზღვაზე შესაძლებელია 2-3 ბალიანი ღელვა.

„მოსალოდნელმა ნალექებმა შესაძლებელია მთიან ზონებში თოვლის ზვავების ფორმირება გამოიწვიოს“, - ნათქვამია გავრცელებულ ინფორმაციაში.