სიმონ ნოზაძე - არ გამოვრიცხავ, რომ უმრავლესობის დღევანდელ შეხვედრაზე მსჯელობა პირადი ცხოვრების ამსახველ კადრებზეც გაიმართოს

დღის წესრიგის მიხედვით, მოსამართლეებზე უნდა ვიმსჯელოთ, თუმცა, არ გამოვრიცხავ, რომ მსჯელობა პირადი ცხოვრების ამსახველ კადრებზეც გაიმართოს, - ამის შესახებ ჟურნალისტებს „ქართული ოცნების“ ცენტრალურ ოფისში უმრავლესობის შეხვედრის დაწყებამდე საპარლამენტო უმრავლესობის წევრმა სიმონ ნოზაძემ განუცხადა.

მისივე თქმით, პირადი ცხოვრების ამსახველი კადრების გავრცელება ამაზრზენი ფაქტი იყო. „დღის წესრიგში, რაც მე მომივიდა, წერია, რომ ისევ მოსამართლეებზე მსჯელობა გაგრძელდება. ამაზე მეტი არაფერი ვიცი. ის ორდღიანი შეხვედრა ძალიან ნაყოფიერი იყო და იმ რეზიუმემდე მივედით, რომ ყველაფერი გადავაბაროთ სამუშაო ჯგუფს, მათ შეიმუშავონ კრიტერიუმები და შემდეგ ვიმსჯელოთ ცალკეულ მოსამართლეზე. კონკრეტულად რა ხდება, ვისთან მიმდინარეობს სამუშაო პროცესი, ამაზე ყველაზე კომპეტენტურად ამ ჯგუფის ხელმძღვანელი ირაკლი კობახიძე გიპასუხებთ. არ გამოვრიცხავ, რომ მსჯელობა პირადი ცხოვრების ამსახველ კადრებზეც გაიმართოს. რასაც მე ვუყურებდი, თვითონ ეს ფაქტი ამაზრზენი იყო. ეს უზნეო ადამიანების გაკეთებულია“, - განაცხადა ნოზაძემ.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა