იანვარში „ყაზტრანსგაზმა“ კუსტარულად დამონტაჟებული 2 381 დანადგარი ჩაჭრა, საიდანაც ყველაზე მეტი შემთხვევა ჩუღურეთსა და ნაძალადევის რაიონებზე მოდის

კომპანია "ყაზტრანსგაზ-თბილისის" ინფორმაციით, მიმდინარე წლის იანვარში თბილისში, სხვადასხვა უბანში, 2381 კუსტარულად და თვითნებურად დამონტაჟებული გაზგამათბობელი და წყალგამაცხელებელი ჩაჭრეს.

როგორც კომპანიაში განმარტავენ, თითოეული მათგანი პირდაპირ საშიშროებას უქმნიდა ოჯახს და კორპუსის მცხოვრებლებს.

„მოქალაქეების ბინებში მათი უმრავლესობა განმეორებით ჩაიჭრა გაზის ქსელიდან.

საგანგაშო მონაცემები უბნების მიხედვით: ჩუღურეთი, ნაძალადევი 750 კუსტარულად დამონტაჟებული გაზის დანადგარი; სამგორი - 571 კუსტარულად დამონტაჟებული გაზის დანადგარი; გლდანი, სანზონა,თემქა - 302 კუსტარულად დამონტაჟებული გაზის დანადგარი; დიღომი, დიდუბე-205 კუსტარულად დამონტაჟებული გაზის დანადგარი; ვაკე, წყნეთი - 57 კუსტარულად დამონტაჟებული გაზის დანადგარი; ისანი, ვაზისუბანი - 229 კუსტარულად დამონტაჟებული გაზის დანადგარი; მთაწმინდა, კრწანისი - 105 კუსტარულად დამონტაჟებული გაზის დანადგარი; ნუცუბიძე - 97 კუსტარულად დამონტაჟებული გაზის დანადგარი; საბურთალო - 65 კუსტარულად დამონტაჟებული გაზის დანადგარი.

კომპანია „ყაზტრანსგაზ-თბილისი“ მოგიწოდებთ, ნუ მოიხმართ აკრძალული ღია კამერიან წყალგამაცხელებლებს და გაზგამათბობლებს, რადგან ამით საფრთხეს უქმნით საკუთარ სიცოცხლეს, ოჯახს და კორპუსში მცხოვრებ თქვენს მეზობლებს“, - ნათქვამია კომპანიის ინფორმაციაში.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს