ფარული ვიდეოჩანაწერების საქმეზე დაკავებული პირების სასამართლო სხდომა დაიხურა

ფარული ვიდეოჩანაწერების საქმეზე დაკავებული პირებიდან 9 პირის სასამართლო სხდომა დაიხურა. სხდომის დახურვასთან დაკავშირებით გადაწყვეტილება მოსამართლე მერაბ ჯორბენაძემ მიიღო.

რაც შეეხება დაცვის მხარის პოზიციას, რომ აღნიშნულ საქმეზე საზოგადოების მაღალ ინტერესი არსებობს, მოსამართლემ განმარტა, რომ დაცვის მხარის შუამდგომლობა ლეგიტიმური უნდა იყოს.

მოსამართლის განცხადებით, შუამდგომლობა ლეგიტიმურია, როცა ამას არ მოყვება სახელმწიფო ინტერესების ან ფიზიკური პირების ინტერესების დარღვევა.

სხდომის დახურვასთან დაკავშირებით შუამდგომლობა ბრალდების მხარემ დააყენა.

როგორც პროკურორმა თავის შუამდგომლობაში განმარტა, საქმე ეხება დაზარალებულის პირადი ცხოვრების საიდუმლოს ხელყოფის ფაქტს, ასევე პერსონალურ მონაცემებს, რის გამოც სხდომა დახურულ რეჟიმში უნდა გაგრძელდეს.

აღნიშნულ შუამდგომლობას დაცვის მხარე არ დაეთანხმა, რადგან მათი განმარტებით, დღევანდელ სხდომაზე მტკიცებულებების გამოკვლევა არ ხდება, შესაბამისად, ვინმეს პერსონალურ მონაცემზე საუბარი არ იქნება.

საქალაქო სასამართლო ფარულ ვიდეოჩანაწერების საქმეზე დაკავებული 17 პირიდან 9 პირის მიმართ აღკვეთის ღონისძიების შეფარდებაზე მსჯელობს.

გამოძიების ინფორმაციით, აღნიშნული პირები სოციალური ქსელის და მობილური ინტერნეტ აპლიკაციის მეშვეობით ინახავდნენ და მასობრივად ავრცელებდნენ პირადი ცხოვრების ამსახველ ვიდეო-ჩანაწერს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს