პარიზის პოლიციამ „ყვითელი ჟილეტების“ რიგით მე-12 აქციის დაწყებამდე, ტრიუმფალურ თაღთან ჯავშანმანქანები განათავსა და მოძრაობა ნაწილობრივ გადაკეტა.

დილიდანვე პარიზის ცენტრში პოლიციამ უსაფრთხოების ზომების გაძლიერება დაიწყო.

ამ დროისთვის შანზ-ელიზეზე მაღაზიები, კაფეები და რესტორნები ჩვეულებრივი გრაფიკით მუშაობენ.

როგორც ტელეარხი BFMTV იუწყება, დომენილის გამზირზე დაახლოებით 150 დემონსტრანტი შეიკრიბა. მათ ხელში უჭირავთ ტრანსპარანტები წარწერით - „არა პოლიციურ ძალადობას“. საპროტესტო აქციები ასევე გაიმართება საფრანგეთის სხვა ქალაქებში, კერძოდ, რუანში, ბორდოში, ლილში, ნანსიში, ტულუზში და ა.შ.

აღსანიშნავია, რომ პარიზში წესრიგის დასაცავად ხუთი ათასი პოლიციელი და ჟანდარმია მობილიზებული.