ეკა ბესელია - ახალგაზრდა გოგოები არიან დაპატიმრებული და  არ მინდა ეს სიმძიმე ვატარო, რომ ოჯახების ტრაგედია მოჰყვეს ამ მორალურ ტერორს

პრინციპულად მიმაჩნია, რომ კანონიერი, სამართლიანი და ჰუმანურიც უნდა იყოს გამოძიება იმ ადამიანების მიმართ, ვისი ბრალეულობაც ნაკლებია ამაში, - ამის შესახებ საპარლამენტო უმრავლესობის წევრმა ეკა ბესელიამ პირადი ცხოვრების ამსახველი ფარული ჩანაწერების გავრცელებაზე დაკავებულ პირებზე საუბრისას განაცხადა. ბესელიას განცხადებით, ახალგაზრდა გოგონები არიან ამ საქმეზე დაკავებული და არ სურს ოჯახების ტრაგედიაც მოჰყვეს მორალურ ტერორს. მისივე თქმით, გამოძიებამ უნდა დაადგინოს, ვინ არის ამ უკანონო კამპანიის დირიჟორი.

„ჩვენ ვიცით, ვინ არის ამ უკანონო ჩანაწერის ავტორი, ვინ განახორციელა უკანონო ჩაწერა. ეს სადავო არ არის, განხორციელდა სააკაშვილის პერიოდში, მაგარამ ახლა საუბარია, ვინ არის ამ უკანონო კამპანიის და ამ მორალური ტერორის დირიჟორი, რომელიც ვერ აღწევს თავის მიზანს და ვერც მიაღწევს, თავადაც ხედავთ ამას. თუმცა გამოძიებამ უნდა დაადგინოს არა მხოლოდ ის ადამიანები, რომლებიც დაკავებულები არიან დღეს იმ ბრალდებით, რომ რაღაცნაირად ჩაერთნენ ამ გაზიარების ერთიან ქსელში და შეიძლება შემთხვევითაც მოხვდნენ ვიღაცები. აქვე მინდა ვთქვა, ჩემი ამოცანა არ არის, რომ გაუბედურდეს ოჯახები. ახალგაზრდა გოგოები არიან დაპატიმრებულები და ნამდვილად არ მინდა ახლა ეს სიმძიმე ვატარო, რომ ოჯახების ტრაგედია მოჰყვეს ამ მორალურ ტერორს. მე პრინციპულად მიმაჩნია, რომ კანონიერი, სამართლიანი და ჰუმანურიც უნდა იყოს გამოძიება იმ ადამიანების მიმართ, ვისი ბრალეულობაც ნაკლებია ამაში და აქ მექნება ძალიან სამართლიანი პოზიცია, მაგრამ პრინციპულია, რომ გამოძიებამ დაადგინოს ვინ რა მიზნით გააკეთა, რადგან დანაშაული მიზნის და მოტივის გარეშე არ არსებობს. გამოძიების პრესტიჟის საკითხია, რომ ეს დაადგინონ მათ და უნდა ვაცალოთ. არ მგონია, რომ დღეს და ხვალ უნდა ჩავრთოთ საათი. მე მეყოფა ამის ნებისყოფა და გამოცდილებაც, რომ დავაკვირდე პროცესი როგორ მიდის და შევაფასო სწორად მიდის თუ არა გამოძიება”, -განაცხადა ბესელიამ.

იხილეთ ვიდეო

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის