ბარნოვზე წყლის მაგისტრალური მილის დაზიანების გამო, სახლების პირველი სართულები, მაღაზიები, სალონები და მანქანები დაიტბორა

თბილისში, ბარნოვის ქუჩაზე წყლის მაგისტრალური მილის დაზიანების გამო, სახლების პირველი სართულები, მაღაზიები, სალონები და მანქანები დაიტბორა. დაზიანებულია საცხოვრებელი სახლების ავეჯი და ინვენტარი.

როგორც „პალიტრანიუსს“ ერთ-ერთმა დაზარალებულმა განუცხადა, ზარალის ანაზღაურებას დაჰპირდნენ, თუმცა, როდის აუნაზღაურდებათ ზარალი, ამ ეტაპზე უცნობია.

„სალონის ინვენტარი, აბსოლუტურად ყველაფერი დაზიანდა, სოლარიუმი წყალში იყო, სარეცხი მანქანები, აპარატები, ყველა ინვენტარი დაზიანებულია. იყვნენ მოსულები და გვითხრეს, რომ ზარალი აგვინაზღაურდება. ჯერჯერობით ასეთია სიტუაცია, რა იქნება არ ვიცი“, - განაცხადა სალონის მეპარონე გურანდა სანაიამ.

შემთხვევა გამთენიისას მოხდა. ადგილზე მაგისტრალური მილი გასკდა, საიდანაც მთაწმინდის რაიონი წყლით მარაგდება.

კომპანია „ჯორჯიან უოთერ ენ ფაუერის“ განცხადებით, მთაწმინდის რაიონში, ბარნოვის ქ. N80-თან წყალმომარაგების 900 მმ-იანი მაგისტრალური მილი ავარიულად დაზიანდა. ადგილზე მობილიზებული არიან კომპანიის ტექნიკური ჯგუფები და დაზიანების აღმოსაფხვრელად სამუშაოები მომდინარეობს. აღნიშნულთან დაკავშირებით ბარნოვის ქ. N72-დან N80-მდე საავტომობილო მოძრაობა დროებით შეზღუდულია.

წყალმომარაგება შეეზღუდათ ვაკის რაიონში, ბარნოვის, ჯანაშვილის, ნაფარეულის, თაყაიშვილის, მცხეთის, ქობულეთის, შატბერაშვილს და მიმდებარე ქუჩებს. კომპანიის ინფორმაციით, წყალმომარაგება, სამუშაოების დასრულებისთანავე ხვალ, 4 თებერვალის დილის, 09:00 საათიდან აღდგება.

იხილეთ ვიდეო: ბარნოვის ქუჩაზე წყლის მილი გასკდა - ადგილზე სარემონტო სამუშაოები მიმდინარეობს

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს