ვენესუელას საგარეო საქმეთა მინისტრი - ტრამპი სამხედრო ძალის გამოყენებით იმუქრება, რაც იმას ადასტურებს, რომ ის სახელმწიფო გადატრიალების სათავეში დგას

ვენესუელას საგარეო საქმეთა მინისტრი ხორხე არეასა აშშ-ს პრეზიდენტის დონალდ ტრამპის განცხადებას გამოეხმაურა.

ვენესუელას საგარეო უწყების ხელმძღვანელის განცხადებით, აღნიშნული განცხადება კიდევ ერთხელ ცხადყოფს იმას, რომ ვენესუელაში ვითარების დესტაბილიზაციის უკან აშშ დგას.

„დონალდ ტრამპი თავისი განცხადებით, როდესაც გაერო-ს წესდების დარღვევით სამხედრო ძალის გამოყენებით იმუქრება, ადასტურებს, რომ ის სახელმწიფო გადატრიალების სათავეში დგას. ვენესუელის ოპოზიციას ტრამპი აკონტროლებს“, - განაცხადა ხორხე არეასამ.

შეგახსენებთ, რომ ტელეარხ CBS-სთვის მიცემულ ინტერვიუში აშშ-ს პრეზიდენტმა დონალდ ტრამპმა განაცხადა, რომ ვენესუელაში სამხედრო ძალის გამოყენება ერთ-ერთი შესაძლებლობაა, რომელსაც მისი ადმინისტრაცია განიხილავს.