უკრაინა ნატო-ში გაწევრიანების შესახებ გადაწყვეტილებას უახლოეს ხუთ წელიწადში მიიღებს. ამის შესახებ უკრაინის პრეზიდენტმა პეტრო პოროშენკომ განაცხადა.
„ჩვენ ევროკავშირსა და ნატო-ში წევრობის ყველა კრიტერიუმს უნდა ვაკმაყოფილებდეთ. დარწმუნებული ვარ, რომ უახლოეს ხუთ წელიწადში ჩვენ გვექნება სამოქმედო გეგმა ნატო-ში გაწევრიანებასთან დაკავშირებით და ასევე გვექნება გადაწყვეტილება უკრაინისათვის ნატო-ში გაწევრიანების მინიჭების თაობაზე“, - განაცხადა პეტრო პოროშენკომ.
უკრაინის პრეზიდენტმა ასევე ხაზგასმით აღნიშნა, რომ უკრაინამ უნდა გაატაროს რეფორმები და დააკმაყოფილოს ევროკავშირისა და ნატო-ს კრიტერიუმები. მისივე თქმით, აღნიშნული ამოცანების შესრულება „აბსოლუტურად რეალურია“.
„ნატო-ს წევრობა უსაფრთხოებას ნიშნავს. ეს გარე საზღვრების უსაფრთხოებაა, ეს ჩვენი სახელმწიფოს სუვერენიტეტისა და ტერიტორიული მთლიანობის პოლიტიკურ-დიპლომატიური გზით აღდგენაა“, - დასძინა მან.