ნიკოლას მადურო - ვენესუელა ან აშშ-ს დროშის კიდევ ერთ ვარსკვლავად იქცევა, ან თავისი დროშის ფრიალს განაგრძობს

ვენესუელა ან აშშ-ს დროშის კიდევ ერთ ვარსკვლავად იქცევა, ან თავისი დროშის ფრიალს განაგრძობს, - ამის შესახებ ვენესუელას ე.წ. პრეზიდენტმა ნიკოლას მადურომ ვენესუელას საზღვაო ძალების წარმომადგენლებთან შეხვედრაზე განაცხადა.

„დღეს ვენესუელას მომავალი წყდება. ან ვენესუელა აშშ-ს დროშის კიდევ ერთ ვარსკვლავად იქცევა, ან ვენესუელა თავისი დროშის ფრიალს განაგრძობს, რომელზეც რვა თავისუფალი და სუვერენული ვარსკვლავია“, - აღნიშნა მადურომ.

მისივე თქმით, ოპოზიციონერებსა და მათ რეგიონულ მოკავშირეებს სახელმწიფო გადატრიალება არ გამოუვიდათ.

„თქვენ ნახეთ გუშინ ოპოზიციის მარში. მათ არ გამოუვიდათ სახელმწიფო გადატრიალება. მარშზე აშშ-ს დროშას აფრიალებდნენ. უკვე არც კი მალავენ თავიანთ იდენტობას. მათ სურთ ჩვენი სამშობლო ამერიკის იმპერიასა და ადგილობრივ ოლიგარქებს გადასცენ“, - აღნიშნა ნიკოლას მადურომ.

მან ასევე განაცხადა, რომ ვენესუელაში სამოქალაქო ომს ადგილი არ ექნება.

„აშშ ამბობს, რომ ადგილი ექნება სამოქალაქო ომსა და სამხედრო ინტერვენციას. არაფერი ეს არ მოხდება! ვენესუელაში მხოლოდ მშვიდობა იქნება და ჩვენ მას მივაღწევთ!“ - დასძინა მადურომ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 21.08.2019
გავლენის ოპერაციები ანუ „მკვლელობათა ჯაჭვი“