ეს ვფიქრობ, ძალიან არასერიოზული დისკუსიაა, რომელიც ხელოვნურადაა წამოჭრილი, - ასე გამოეხმაურა ადამიანის უფლებათა დაცვის კომიტეტის თავმჯდომარე სოფიო კილაძე გაერთიანებული ოპოზიციის მოთხოვნას და ხელმოწერების შეგროვების დაანონსებას, 2020 წლის არჩევნების პროპორციული წესით ჩატარებასთან დაკავშირებით.
"ეს ვფიქრობ, ძალიან არასერიოზული დისკუსიაა, რომელიც ხელოვნურადაა წამოჭრილი. ჩვენ საკონსტიტუციო რეფორმის ფარგლებში, უამრავი დისკუსიის შემდეგ, კონკრეტულად მივიღეთ გადაწყვეტილება საკონსტიტუციო უმრავლესობით და ვფიქრობ, ეს საკითხი დამატებით კითხვის ნიშნებს აღარ საჭიროებს, რადგან ჩვენ გვქონდა შესაბამისი არგუმენტები, თუ რატომ უნდა შენარჩუნებულიყო მაჟორიტარული სისტემა 2020 წლის არჩევნებისთვის", - განაცხადა კილაძემ.