ანა დოლიძე - მას შემდეგ, რაც დიმიტრი გვრიტიშვილს უზენაეს სასამართლოში გამზადებული ნახტომი ჩაეშალა, მისგან უარესს  ველოდები

მას შემდეგ, რაც მოსამართლე დიმიტრი გვრიტიშვილს უზენაეს სასამართლოში გამზადებული ნახტომი ჩაეშალა, მისგან უარესს ველოდები, - ამის შესახებ „ინტერპრესნიუსს“ იუსტიციის უმაღლესი საბჭოს არამოსამართლე წევრმა ანა დოლიძემ განუცხადა.

ის დიმიტრი გვრიტიშვილის სოციალურ ქსელში გამოქვეყნებულ განცხადებას გამოეხმაურა, რომლის თანახმადაც ანა დოლიძე იუსტიციის უმაღლეს საბჭოში კანონდარღვევით წარადგინა ყოფილმა პრეზიდენტმა გიორგი მარგველაშვილმა.

„როგორ დავინიშნე იუსტიციის უმაღლეს საბჭოში არამოსამართლე წევრად, როგორც ჩატარდა კონკურსი, მთელი პროცესი სამართლებრივად აღწერილი და გაფორმებული, განთავსებულია პრეზიდენტის ვებ-გვერდზე. ეს საჯაროა, თუმცა მისგან იმ უამრავი ტყუილის შემდეგ, რომელიც არაერთხელ გააჟღერა, ასევე იმის შემდეგ რომ გამზადებული ნახტომი ჩაეშალა უზენაეს სასამართლოში, არაფერი მიკვირს. შესაბამისად, არც ეს ბრალდებები მიკვირს და ნამდვილად ველოდები კიდევ უარეს ქმედებას. ესენი არიან ადამიანები, რომელთაც არ აჩერებს არც მანტია და უარეს ქმედებებსაც ველოდები. სამართლებრივი ახსნა საჯაროა, დევს პრეზიდენტის ვებ-გვერდზე და ცოტა მაინც იმეცადინოს, ვიდრე რამეს განცხადებას გააკეთებს“ , - განაცხადა ანა დოლიძემ.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის