ირაკლი კობახიძე - ჩვენი ამოცანაა, შევქმნათ ისეთი სახელმწიფო პოლიტიკა, რომელიც გახდება საჯარო სივრცეში ბავშვის უფლებების დაცვის მყარი საწინდარი

ჩვენი ამოცანაა, შევქმნათ ისეთი სახელმწიფო პოლიტიკა და ისეთი ერთიანი სტანდარტი, რომელიც გახდება ბავშვის მხარდაჭერის და ოჯახისათვის საჯარო სივრცეში ბავშვის უფლებების დაცვის მყარი საწინდარი, - ამის შესახებ პარლამენტის სპიკერმა ირაკლი კობახიძემ ბავშვთა უფლებათა კოდექსის პროექტის პრეზენტაციაზე სიტყვით გამოსვლისას განაცხადა.

მისივე თქმით, ბავშვთა შორის ძალადობის კუთხით გვაქვს ასევე მნიშვნელოვანი პრობლემები, რაც მოითხოვს დაუყონებლივ რეაგირებას და შესაბამის ჩარევას.

"დღევანდელი ღონისძიება ეძღვნება ძალიან მნიშვნელოვანი კანონპროექტის პრეზენტაციას. ეს კანონპროექტი არის დაკავშირებული ჩვენი საზოგადოების ყველაზე ძვირფას წევრებთან, ბავშვებთან და ეხება მათი უფლებების დაცვას. მე მინდა გამოვიყენო შესაძლებლობა და მადლობა გადავუხადო ადამიანის უფლებათა და სამოქალაქო ინტეგრაციის კომიტეტს, ასევე, გაერო-ს ბავშვთა ფონდს. ასევე, თითოეულ დეპუტატს, ექსპერტებს, ჩვენს საერთაშორისო პარტნიორებს, სამოქალაქო საზოგადოების წარმომადგენლებს, რომლებიც იყვნენ ჩართულნი ამ ძალიან მნიშვნელოვანი კანონპროექტის შემუშავებაში და თავისი წვლილი შეიტანეს ამ ძალიან მნიშვნელოვან საქმეში.

საქართველოში ბავშვთა უფლებების დაცვის და უფლებათა რეალიზაციის დახვეწილი მექანიზმების არ არსებობის კუთხით გვაქვს ჩვენ სერიოზული გამოწვევები. ძალადობის მასშტაბები არის საკმაოდ შემაშფოთებელი ბავშვთა მიმართ, ბავშვთა შორის ძალადობის კუთხით გვაქვს ასევე მნიშვნელოვანი პრობლემები, რაც მოითხოვს, ბუნებრივია, ჩვენი მხრიდან დაუყონებლივ რეაგირებას და შესაბამის ჩარევას. ამ ყველაფერს ადასტურებს, თუნდაც გასულ თვეში მომხდარი შემზარავი ტრაგედია, რომელიც სწორედ ბავშვს უკავშირდებოდა. შესაბამისად, ჩვენი ამოცანაა, შევქმნათ ისეთი სახელმწიფო პოლიტიკა და ისეთი ერთიანი სტანდარტი, რომელიც გახდება ბავშვის მხარდაჭერის და ოჯახისათვის საჯარო სივრცეში ბავშვის უფლებების დაცვის მყარი საწინდარი". - განაცხადა კობახიძემ.

მისივე განცხადებით, დიდ პრობლემად რჩება ჩვენს საზოგადოებაში ბავშვთა სიღარიბე.

"ამ კუთხით მინდა აღვნიშნო, რომ ბავშვთა მიმართ ზრუნვის და სოლიდარობის მდიდარი სამართლებრივი ტრადიციები არსებობს საქართველოში ჯერ კიდევ პირველი რესპუბლიკის დროს მიღებული 1921 წლის კონსტიტუციაში აღნიშნულია შემდეგი, რომ სახელმწიფო მიზნად ისახავს პირველ დაწყებით სკოლაში უღარიბეს ბავშვებს საზრდო, ჩასაცმელ დასახური და სასკოლო ნივთები უფასოდ მიეცეს. ამ მიზნის განსახორციელებლად სახელმწიფო და ადგილობრივი თვითმმართველობანი თავის შემოსავლის ერთ ნაწილს გადასდებენ ყოველწლიურად. ეს ფაქტი, ეს ნორმა მიუთითებს იმაზე, თუ რამდენად დიდი ყურადღება ეთმობოდა საქართველოში, ჯერ კიდევ, პირველ რესპუბლიკაში ბავშვთა უფლებების დაცვას და ჩვენ უნდა გავუფრთხილდეთ ამ ტრადიციას და უნდა დავაფუძნოთ ამ ტრადიციაზე, ჩვენს ბავშვებზე ზრუნვა და მათი უფლებების დაცვაზე ზრუნვა.

ამ სულისკვეთებით ჩვენ დღესაც, რა თქმა უნდა, ვადასტურებთ მზადყოფნას, რომ არ დავიშურებთ ძალისხმევას ბავშვთა სიღარიბის პრობლემის დასაძლევად და უკვე ვდგამთ კონკრეტულ ნაბიჯებს აღნიშნული მიმართულებით. ამ კუთხით უმნიშვნელოვანესი იყო შარშან განხორციელებული ინიციატივა, რომლითაც გამოიყო სპეციალური სოციალური დახმარება სიღარიბის ზღვარა მიღმა მცხოვრები ბავშვებისათვის. აღნიშნულის ფონზე მნიშვნელოვანია ბავშვის უფლებების შესახებ გაეროს კონვენციით საქართველოს მიერ ნაკისრი ვალდებულებებისთვის საკანონმდებლო საფუძვლების შექმნა. სწორედ ამ ვალდებულებათა შესრულებას და ხსენებული პრობლემების გადაჭრას ემსახურება ბავშვია უფლებათა კოდექსის მიღება, რომელიც ბავშვის უფლებების რეალიზაციაზე იქნება ორიენტირებული სახელმწიფოში არსებული რესურსების მაქსიმალური გამოყენებით და საჭიროების შემთხვევაში ასევე, საერთაშორისო პარტნიორების მხარდაჭერით.

მე მჯერა, რომ დღევანდელი ღონისძიება მოგვცემს დისკუსიის გაშლის საშუალებას ამ საკითხთან დაკავშირებით და ასევე, პარლამენტის სახელით შეგვიძლია დავდოთ პირობა, რომ ბავშვთა კოდექსის პროექტის განხილვას დაეთმობა სათანადო ყურადღბა. მთელი გულისყურით მოეკიდება პარლამენტი ამ საკითხს და ეს ყველაფერი მოგვცემს იმის საშუალებას, რომ ჩვენ მომავალში უკეთ ვიზრუნოთ ბავშთვა უფლებების დაცვაზე და მათი უფლებების რეალიზებაზე", - აღნიშნა პარლამენტის სპიკერმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა