რაც მთავარია, სწრაფად რეაგირება მოხდა და იმედი გვაქვს, რომ ეს ინციდენტი სწრაფად დასრულდება და აღარ განმეორდება, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა 61-ე საჯარო სკოლაში მოსწავლეებს შორის მომხდარი დაპირისპირების საკითხზე კომენტირებისას განაცხადა.
მისი თქმით, შესაბამისი სამსახურების ინფორმირება მოხდა და ინციდენტი დროულად აღმოიფხვრა.
“ეს ინციდენტი აღმოფხვრილია, როგორც ვიცით. ასევე, ახლა მნიშვნელოვანია, რომ მანდატურმა მუშაობა გააგრძელოს, ასევე, ჩაერთვება ფსიქოლოგიური სამსახური, რომელიც მშობლებთან გააგრძელებს მუშაობას. რაც მთავარია, სწრაფად რეაგირება მოხდა და იმედი გვაქვს, რომ ეს ინციდენტი სწრაფად დასრულდება და აღარ განმეორდება”, - აღნიშნა მიხეილ ბატიაშვილმა.
თბილისის N61 საჯარო სკოლაში მოსწავლეებმა იჩხუბეს. ადგილზე იყო სასწრაფო დახმარების მანქანა, ამჟამად კი სკოლასთანაა საპატრულო პოლიცია და საგამოძიებო სამსახურის წარმომადგენელი.