ირაკლი კობახიძე ფარულ ჩანაწერზე - „აიფონ 5“-ის შესახებ საუბარი მარტივი სპეკულაციაა, ჩანაწერში ტელეფონების გარჩევა შეუძლებელია

მე მაქვს ყოველდღიური კავშირი სამართალდამცავ ორგანოებთან, - ამის შესახებ პარლამენტის თავმჯდომარე ირაკლი კობახიძემ ფარული ჩანაწერების გავრცელების საქმის გამოძიების პროცესში მის ჩართულობაზე საუბრისას განაცხადა.

"მე მაქვს ყოველდღიური კავშირი სამართალდამცავ ორგანოებთან. რაც შეეხება პირველ დღეებს, იქ ჯერ კიდევ მიმდინარეობდა მუშაობა იმაზე, რომ დადგენილიყო, თუ რამდენად შეესაბამებოდა რეალობას ერთი დეპუტატის განცხადება და ამასთან დაკავშირებითაცაა კითხვის ნიშნები. რაც შეეხება ჩემ ჩართულობას ამ პროცესში, ყოველდღიური კავშირი მქონდა სამართალდამცავ ორგანოებთან, შესაბამის მინისტრებთან. აქედან გამომდინარე, ჩემი ჩართულობა ყოველდღიურ რეჟიმშია იმისათვის, რომ საქმის ბოლომდე გამოძიება უზრუნველყოფილი იყოს", - განაცხადა კობახიძემ.

რაც შეეხება რამდენიმე წლის წინ გავრცელებულ, კიდევ ერთი თანამდებობის პირის პირადი ცხოვრების ამსახველ ჩანაწერს და ოპოზიციის განცხადებას იმის შესახებ, რომ აღნიშნული ფარული ჩანაწერი შესაძლოა"ქართული ოცნების" ხელისუფლებაში ყოფნის დროს იყოს გადაღებული, რადგან ჩანაწერში ჩანს "აიფონ 5", კობახიძემ ამას სპეკულაცია უწოდა.

"ესაა მარტივი სპეკულაცია, იქ ტელეფონების გარჩევა საერთოდ შეუძლებელია. ხუთი ჩანს, მაგრამ "აიფონ 5" არ ვიცი", - განაცხადა კობახიძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით