მიხეილ ბატიაშვილი ჭიდაობის ფედერაციასა და მოჭიდავე ზურაბ დათუნაშვილს შორის კონფლიქტის მოგვარების გზად დიალოგს მიიჩნევს

განათლების მინისტრი მიხეილ ბატიაშვილი ჭიდაობის ფედერაციასა და მოჭიდავე ზურაბ დათუნაშვილს შორის არსებული კონფლიქტის მოგვარების გზად დიალოგს მიიჩნევს. ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა ზურაბ დათუნაშვილის გუშინდელი “ფეისბუქ” მიმართვის კომენტირებისას განაცხადა.

მისი თქმით, პრობლემის გადასაჭრელად ერთადერთ სწორ გზას კომუნიკაცია წარმოადგენს.

„საერთოდ, ძალიან მნიშვნელოვანია, რომ ნებისმიერ სპორტსმენს მშვიდ გარემოში, როგორც ვარჯიშის, ისე ტურნირებისთვის მომზადების საშუალება ჰქონდეს. თავისთავად, ერთადერთი გზა არის კომუნიკაცია, დიალოგის ფორმა, იმიტომ, რომ ასეთი პრობლემები, იგივე სპორტსა და სხვა სფეროებში წამოჭრილა, ამიტომ ერთადერთი სწორი გზა არის კომუნიკაციის გზა. მთავარია, რომ დიალოგის საფუძველზე გადაიჭრას ყველა პრობლემა”, - აღნიშნა მინისტრმა.

მოჭიდავე ზურაბ დათუნაშვილის განცხადებით, ის ჭიდაობის ფედერაციასთან თანამშრომლობას ვეღარ გააგრძელებს, ამიტომ სპორტსმენმა საზოგადოებას მიმართა შეკითხვით, კარიერა დაასრულოს თუ ტურნირებზე სხვა ქვეყნის სახელით იასპარეზოს.

იხილეთ ვიდეო:

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს