საქსტატი - თამბაქოს ნაწარმზე ფასები 12,5%-ით, ჯანდაცვის მიმართულებით 3,4%-ით, სურსათსა და უალკოჰოლო სასმელებზე კი 3,2%-ით გაიზარდა

საქსტატის მონაცემებით, იანვარში, დეკემბერთან შედარებით, ჯანმრთელობის დაცვის მიმართულებით ფასები 3,4%-ით, სურსათსა და უალკოჰოლო სასმელებზე - 3,2%-ით, ხოლო თამბაქოს ნაწარმზე 12,5 %-ით გაიზარდა.

სტატისტიკის ეროვნული სამსახური ინფლაციის მაჩვენებლის შესახებ ინფორმაციას აქვეყნებს. უწყების ცნობით, ინფლაციის დონემ 2019 წლის იანვარში წინა თვესთან შედარებით საქართველოში 1,3 პროცენტი, ხოლო წლიური ინფლაციის დონემ 2,2 პროცენტი შეადგინა.

მათივე განმარტებით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები: ჯგუფში დაფიქსირდა ფასების 3,2 პროცენტიანი მატება, რაც 0,98 პროცენტული პუნქტით აისახა ინფლაციის მთლიან მაჩვენებელზე.

„ჯგუფში ფასები გაიზარდა ქვეჯგუფებზე: ბოსტნეული და ბაღჩეული - 15,8 პროცენტი, ხილი და ყურძენი - 5,8 პროცენტი, რძე, ყველი და კვერცხი - 4,7 პროცენტი, პური და პურპროდუქტები - 1,4 პროცენტი, ასევე თევზეული - 1,4 პროცენტი; ალკოჰოლური სასმელები, თამბაქო: ფასები გაიზარდა 5,8 პროცენტით, რაც 0,39 პროცენტული პუნქტით აისახა თვის ინფლაციის მთლიან მაჩვენებელზე. ფასები მომატებულია თამბაქოს ნაწარმზე (12,5 პროცენტი)“, - აცხადებენ საქსტატში.

რაც შეეხება ჯანმრთელობის დაცვას, საქსტატის მონაცემებით, ფასები მომატებულია 3,4 პროცენტით, რაც 0,28 პროცენტული პუნქტით აისახა ინფლაციის მთლიანი ინდექსის ზრდაში.

ფასები გაიზარდა ქვეჯგუფებზე: სამედიცინო პროდუქცია, აპარატურა და მოწყობილობა (4,5 პროცენტი), ამბულატორიული სამედიცინო მომსახურება (4,4 პროცენტი) და საავადმყოფოების მომსახურება (1,1 პროცენტი); ტრანსპორტი: ჯგუფში დაფიქსირდა ფასების 1,7 პროცენტიანი მატება, რაც წლიურ ინფლაციაზე 0,22 პროცენტული პუნქტით აისახა. ფასები გაიზარდა პირადი სატრანსპორტო საშუალებების ექსპლუატაციაზე (3,3 პროცენტი).

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა