ადამიანის უფლებათა დაცვის კომიტეტის თავმჯდომარის სოფო კილაძის განცხადებით, სოციალური მუშაკების გადამზადების პროგრამებზე მუშაობა დაწყებულია და აღნიშნული პროცესი 2021 წლისთვის დასრულებული იქნება. მისივე თქმით, სოციალურ მუშაკებთან დაკავშირებით რეფორმების განხორციელებას გარკვეული რესურსები ესაჭიროება.
„ჩვენ სოციალურ მუშაკებთან დაკავშირებით რეფორმა დავიწყეთ. სამწუხაროდ, ამ რეფორმას სერიოზული ადამიანური და ფინანსური რესურსი სჭირდება. ადამიანური რესურსის მომზადებაზე ვმუშაობთ და შესაბამისი გადამზადების პროგრამები გვაქვს, 2021 წლისთვის ეს პროცესი უკვე დასრულებული იქნება”,- აღნიშნა სოფო კილაძემ.