„მისასალმებელია, რომ პარლამენტს ,,მინისტრის საათის“ ფორმატში რეგიონული განვითარებისა და ინფრასტრუქტურის მინისტრი ეწვევა“, - ამის შესახებ რეგიონული პოლიტიკისა და თვითმმართველობის კომიტეტის თავმჯდომარემ, ზაზა გაბუნიამ განაცხადა,
გაბუნიას თქმით, იგი მიესალმება იმას, რომ საქართველოს პარლამენტის წინაშე, რეგლამენტის 153 -ე მუხლის შესაბამისად, ვიცე-პრემიერი, რეგიონული განვითარებისა და ინფრასტრუქტურის მინისტრი, ქალბატონი მაია ცქიტიშვილი მოხსენებით წარდგება.
„მე მივესალმები ქალბატონი მაიას მზადყოფნას, გამოიყენოს ახალი რეგლამენტით გათვალისწინებული შესაძლებლობა, რომელიც წელიწადში ერთხელ პარლამენტის პლენარულ სხდომაზე სამთავრობო პროგრამის შესრულებაზე შესაბამისი მიმართულების შესახებ მოხსენებით გამოსვლას გულისხმობს," - აღნიშნა გაბუნიამ.