პარლამენტის პლენარულ სხდომას მამუკა ბახტაძე, კახა კალაძე და მინისტრები დაესწრებიან

პარლამენტის პლენარულ სხდომას დღეს საქართველოს პრემიერ-მინისტრი მამუკა ბახტაძე, მინისტრები, თბილისის მერი კახა კალაძე და ასევე, ილიას სახელმწიფო უნივერსიტეტის სტუდენტები დაესწრებიან. ამის შესახებ

„ინტერპრესნიუსს“ საქართველოს პარლამენტიდან აცნობეს.

დღეს პარლამენტის თავმჯდომარე ირაკლი კობახიძე პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას წარადგენს.

„დღეს, მე-9 მოწვევის საქართველოს პარლამენტის 2019 წლის საგაზაფხულო სესია დაიწყებს მუშაობას. საკონსტიტუციო ცვლილებებისა და პარლამენტის ახალი რეგლამენტის საფუძველზე, პარლამენტის პლენარული სხდომა თბილისში მდებარე სასახლეში გაიმართება, რომელსაც საქართველოს პრემიერ-მინისტრი მამუკა ბახტაძე, მინისტრები, ქალაქ თბილისის მერი კახა კალაძე და ასევე, ილიას სახელმწიფო უნივერსიტეტის სტუდენტები დაესწრებიან. საქართველოს პარლამენტის თავმჯდომარე ირაკლი კობახიძე, ახალი რეგლამენტის თანახმად, პლენარულ სხდომაზე, პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას წარმოადგენს. ირაკლი კობახიძის ყოველწლიური ანგარიში პარლამენტის მიერ გაწეულ საკანონმდებლო და საზედამხედველო საქმიანობას, საგარეო მიმართულებით განხორციელებულ სამუშაოს, ინსტიტუციური გაძლიერების კუთხით მიღწეულ პროგრესსა და სამომავლო გეგმებს დაეთმობა“, - ნათქვამია პარლამენტის მიერ გავრცელებულ ინფორმაციაში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა