სტამბოლის პოლიციამ „ისლამურ სახელმწიფოსთან“ კავშირის ბრალდებით 22 პირი დააკავა

სტამბოლის პოლიციამ ტერორისტულ ორგანიზაცია „ისლამურ სახელმწიფოსთან“ კავშირის ბრალდებით 22 პირი დააკავა.

ამის შესახებ ინფორმაციას ქალაქ სტამბოლის ადმინისტრაცია ავრცელებს.

„სტამბოლის პოლიციამ ოპერაცია ჩაატარა იმ პირებთან მიმართებაში, ვისაც ბრალად ედება ტერორისტული ორგანიზაცია „ისლამური სახელმწიფოს“ პროპაგანდა, „ბოევიკების“ გადაბირება და მათი ოჯახებისთვის დახმარების გაწევა“, - ნათქვამია განცხადებაში.

გავრცელებული ინფორმაციით, სპეცოპერაციის დროს თურქმა სამართალდამცველებმა ტერორისტულ ორგანიზაციასთან დაკავშირებული დიდი რაოდენობით დოკუმენტები ამოიღეს.