ხატია მოისწრაფიშვილი - სალომე ზურაბიშვილი განსაკუთრებულ პრიორიტეტად გამოყოფს ქუთაისის განვითარებას, ახალი სასიცოცხლო რესურსების მოძიებას

7-10 თებერვალს საქართველოს პრეზიდენტი ქუთაისში გაემგზავრება, სადაც ადგილზე გაეცნობა პრობლემებს, - აღნიშნულის შესახებ ინფორმაციას სალომე ზურაბიშვილის პრესსპიკერი ხატია მოისწრაფიშვილი ავრცელებს.

როგორც მოისწრაფიშვილი აცხადებს, პრეზიდენტი ქუთაისის განვითარებას მაქსიმალურად შეუწყობს ხელს.

„7-10 თებერვალს საქართველოს პრეზიდენტი გაემგზავრება ქალაქ ქუთაისში. გარდა იმისა, რომ ეს რეგიონების განვითარების მხარდაჭერაა, ის უშუალოდ ადგილზე გაეცნობა პრობლემებს. რეგიონების განვითარების შეფასება საქართველოს პრეზიდენტის წინასაარჩევნო დაპირებაა. ქუთაისს, მის განვითარებას, ახალი სასიცოცხლო რესურსების მოძიებას და მართლაც განსაკუთრებული ისტორიული ქალაქის, მისთვის ისტორიული მნიშვნელობის კვლავაც წამოწევას სალომე ზურაბიშვილი განსაკუთრებულ პრიორიტეტად გამოყოფს. ამ მიზნით მუშავდება სხვადასხვა ძალიან მნიშვნელოვანი პროექტები, რომელიც ჩვენი პატრონაჟით განხორციელდება, მათ შორის, ეს არის არქეოლოგიური კვლევების ინსტიტუციური გაძლიერება, უცხოელი ექსპერტების ჩართვა. უკვე დაკომპლექტებულია ქართულ-პოლონური ექსპედიცია, რომელიც უახლოეს პერიოდში დაიწყებს მუშაობას. გარდა ამისა, ქუთაისის უნივერსიტეტი, მოგეხსენებათ, გახლავთ ერთ-ერთი უძველესი, როგორც ევროპაში, ასევე მსოფლიოში და ძალიან მნიშვნელოვანია, მან დაიბრუნოს თავისი ისტორიული მნიშვნელობა, როგორც რეგიონის, ასევე უფრო დიდი მასშტაბითაც. ძალიან დიდი მნიშვნელობა აქვს იმ მხარდამჭერ ღონისძიებებს, რომელიც უნდა განხორციელდეს და რომელშიც ჩვენ მთლიანად ჩავერთვებით. ასევე, ძალიან მნიშვნელოვან მიმართულებად არის მიჩნეული ქუთაისის, როგორც სამედიცინო ტურიზმის რეგიონული ცენტრის განვითარება და ამ შემთხვევაში საუბარია ქუთაისის და წყალტუბოს ერთიან ჭრილში განხილვაზე. სტუმრობის ფარგლებში მოხდება ბალნეოლოგიური კურორტების და ზოგადად, ბალნეოტურიზმის განვითარების პოტენციალის შესაძლებლობა. დაგეგმილია ასევე შეხვედრები ბიზნესწრეებთან, მათ შორის მცირე აგრო მეწარმეებთან“, - განაცხადა მოისწრაფიშვილმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა