სერგი კაპანაძე კობახიძეს - იქნებ მოუწოდოთ შსს-ს, რომ ოთხოზორია-ტატუნაშვილის სიაში რუსეთის საოკუპაციო ძალების წარმომადგენლებიც შეიყვანოს

იქნებ ერთობლივად კიდევ ერთხელ მოუწოდოთ შსს-ს, პროკურატურას, მთავრობას ზოგადად, რომ ოთხოზორია-ტატუნაშვილის სიაში გარდა საოკუპაციო რეჟიმების წარმომადგენლებისა, ასევე შეიყვანონ რუსეთის ფედერაციის საოკუპაციო ძალების წარმომადგენლებიც, - ამის შესახებ „ევროპული საქართველოს“ ერთ-ერთმა ლიდერმა სერგი კაპანაძემ პარლამენტის პლენარულ სესიაზე ირაკლი კობახიძეს მიმართა.

კაპანაძემ პარლამენტის თავმჯდომარეს იმის შესახებ დაუსვა კითხვა, რატომ არ არიან ოთხოზორია-ტატუნაშვილის სიაში რუსეთის ფედერაციის ის მოქალაქეები შეყვანილი, რომლებიც პასუხისმგებელნი არიან ადამიანის უფლებების დარღვევაზე.

კითხვის დასმისას მამა დავითის (დურგლიშვილის) გატაცების ფაქტსაც გაუსვა ხაზი.

„რეზოლუციაში ჩვენ აღვნიშნეთ, რომ ოთხოზორია-ტატუნაშვილის სიაში უნდა შესულიყვნენ ის ადამიანები, რომლებიც პასუხისმგებელნი არიან ადამიანის უფლებების დარღვევაზე, რომლებიც ბრალდებული ან მსჯავრდებულნი არიან ამ კუთხით. თუმცა დღემდე, არცერთი ადამიანი, რომელიც რუსეთის ფედერაციის მოქალაქეა და მსახურობს ან რუსეთის საოკუპაციო ძალებში, ან „ეფ-ეს-ბეს“ სასაზღვრო ძალებში, არ არის ამ სიაში შეყვანელი.

გუშინ მოხდა ასეთი ბოლო ფაქტი. სასულიერო პირი დააკავეს სოფელ ნიქოზში. ვიცით, რომ ეს ადამიანი პრაქტიკულად რუსმა ოკუპანტებმა ანუ რუსეთის ფედერაციის ძალებში მომსახურე ადამიანებმა დააკავეს, თუმცა არცერთი მათგანის წინააღმდეგ არაფერი არ არის გაკეთებული. კითხვა მაქვს თქვენთან: რამდენად სწორია ეს? ეთანხმებით თუ არა ამ მიდგომას? თუ არ ეთანხმებით, იქნებ ერთობლივად კიდევ ერთხელ მოუწოდოთ შსს-ს, პროკურატურას, მთავრობას ზოგადად, რომ იფიქრონ იმაზე, რომ ამ სიაში გარდა საოკუპაციო რეჟიმების წარმომადგენლებისა, ასევე შეიყვანონ რუსეთის ფედერაციის საოკუპაციო ძალების წარმომადგენლებიც,“ - განაცხადა კაპანაძემ.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი