თვლით თუ არა, რომ საპენსიო რეფორმას ისეთივე გამაღარიბებელი ეფექტი ექნება ჩვენს საზოგადოებაზე, როგორიც ჰქონდა აქციზის გაზრდას?“ - ამ კითხვით „ევროპული საქართველოს“ ერთ-ერთმა ლიდერმა ზურაბ ჭიაბერაშვილმა პარლამენტის თავმჯდომარეს ირაკლი კობახიძეს მიმართა, რომელიც წლიურ ანგარიშს წარადგენს. უმცირესობის წარმომადგენელმა თავის კითხვაში ხაზი გაუსვა აქციზის გაზრდის გამო საწვავზე ფასის მატებას, რაც მისი თქმით, ქვეყანაში სიღარიბის ზრდის ერთ-ერთი განმაპირობებელი გახდა.
„დაგროვებითი პენსიის რეფორმა, რომელიც თქვენ შემოიღეთ ასევე ირიბად არის გადასახადების გაზრდა. თვლით თუ არა, რომ მას ისეთივე გამაღარიბებელი ეფექტი ექნება ჩვენს საზოგადოებაზე, როგორი გამაღარიბებელი ეფექტიც ჰქონდა აქციზის გაზრდას, როდესაც აქციზი გაზარდეთ 2016 წლის ბოლოს და 2017 წლიდან მოყოლებული ჩვენ ვუყურებთ საწვავზე მაღალ ფასებს, რაც ამ ქვეყანაში სიღარიბის ზრდის ერთ-ერთი განმაპირობებელი გახდა,“ - განაცხადა ჭიაბერაშვილმა.