ირაკლი კობახიძე - პოლიტიკური რეალობიდან გამომდინარე, კონსტიტუციასთან დაკავშირებით კონსენსუსის რესურსი არ არსებობდა

„ჩვენი პოლიტიკური რეალობიდან გამომდინარე, არ არსებობდა კონსტიტუციასთან დაკავშირებით კონსენსუსის რესურსი,“ - ასე უპასუხა პარლამენტის თავმჯდომარემ ირაკლი კობახიძემ გიგა ბოკერიას შეკითხვას კონსტიტუციის ახალ რედაქციასთან დაკავშირებით. უმცირესობის დეპუტატმა კობახიძეს იმის თაობაზე ჰკითხა, მიაჩნია თუ არა პრობლემად კონენსუსის არ არსებობა ქვეყნის მთავარ დოკუმენტთან დაკავშირებით.

როგორც ირაკლი კობახიძემ ბოკერიას კითხვის პასუხად განაცხადა, ის ამის პოლიტიკურ რესურსს ვერ ხედავდა.

„რა თქმა უნდა, სამწუხარო მოვლენა იყო, რომ კონსენსუსი ვერ შედგა კონსტიტუციასთან დაკავშირებით, თუმცა მე ღრმად მწამს, რომ ჩვენი პოლიტიკური რეალობიდან გამომდინარე, არ არსებობდა კონსენსუსის რესურსი. ამას აქვს თავისი ობიექტური და სუბიექტური მიზეზები. იყო ბევრი კრიტიკა ამ კონსენსუსთან დაკავშირებით, მათ შორის წინა პარლამენტის ხელმძღვანელობის მხრიდან, თუმცა შემდეგ როდესაც პარლამენტის წინა ხელმძღვანელობას დაუსვეს კითხვა, რატომ ვერ განახორციელა წინა მოწვევამ საკონსტიტუციო რეფორმა, პასუხი იყო მარტივი - არ იყო უმრავლესობასა და უმცირესობას შორის კონსენსუსის რესურსი. თუ არ იყო ამის რესურსი 4 წლის წინ, საიდან იყო ეს რესურსი მეცხრე მოწვევის პარლამენტის მუშაობის დროს?

არ იყო სამწუხაროდ, ამის პოლიტიკური რესურსი და შესაბამისად, ვერ მოხერხდა კონსენსუსის მიღწევა, თუმცა კიდევ ერთხელ გავიმეორებ, რომ ჩვენ შედეგად მივიღეთ ძალიან დახვეწილი კონსტიტუცია საპარლამენტო მმართველობით, რომელიც გამორიცხავს გრძელვადიან პერსპექტივაში ავტორიტარიზმის ნებისმიერი სახით დაბრუნებას ჩვენს ქვეყანაში და ეს არის მეცხრე მოწვევის პარლამენტის უმნიშვნელოვანესი მიღწევა,“ - განაცხადა კობახიძემ.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 02.04.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს