ეს იყო გაუგებრობა, რომელმაც თითოეული ჩვენგანისთვის სერიოზული უხერხულობა შექმნა, - ასე გამოეხმაურა პარლამენტის თავმჯდომარე ირაკლი კობახიძე ახალქალაქის სოფელ ბუღაშენში, ყარაბაღის კონფლიქტის მონაწილე მიხაილ ავაქიანის ძეგლის გახსნას.

როგორც კობახიძემ პარლამენტის პლენარულ სხდომაზე განაცხადა, ქართულ სახელმწიფოს მეზობელი ქვეყნების მიმართ ჩამოყალიბებული მკაფიო პოზიცია აქვს.

“ჩვენ მეზობელი ქვეყნების ინტერესებს ვცემთ პატივს და ვიმოქმედებთ ამ ინტერესების შესაბამისად. საჭიროების შემთხვევაში, გვექნება კონსულტაციები ჩვენს კოლეგებთან, ჩვენს აზერბაიჯანელ კოლეგებთან და ყველანი ერთად ისეთ გადაწყვეტილებას მივიღებთ, რაც მაქსიმალურად წაადგება სამეზობლოში მშვიდობიანი ვითარების შენარჩუნებას“, - განაცხადა ირაკლი კობახიძემ.