დაგეგმილი სარეაბილიტაციო სამუშაოების ჩატარების მიზნით, ხვალ თბილისის ზოგიერთ ქუჩაზე გაზმომარაგება დროებით შეიზღუდება.

როგორც „ინტერპრესნიუსს“ „ყაზტრანსგაზ - თბილისიდან“ აცნობეს, 6 თებერვლის 23:00 საათიდან გაზმომარაგება დროებით შეიზღუდება შემდეგ მისამართებზე: აეროპორტის, ორხევის, ლოჭინის, თეთრიხევის დასახლებები, ლილოში საქნავთის, ფრანგულიანის, სტურუას ქუჩები, ლილოს დასახლებაში მდებარე კორპუსები, სოფლები ნასაგური, წინუბანი, ალექსეევკა, სოფელი დიდი ლილოს კერძო სექტორი, აეროპორტის ჩიხები. გაზმომარაგების შეზღუდვა შეეხება აგრეთვე მიმდებარე ტერიტორიაზე ფუნქციონირებად კომერციულ ობიექტებს.

გაზმომარაგების ეტაპობრივი აღდგენა დაიწყება 7 თებერვლის დღის 13:00 საათიდან და დასრულდება 20:00 საათამდე.

“ყველა მომხმარებელი, რომელსაც შეეხება გაზმომარაგების შეზღუდვა და ამავდროულად, სარგებლობს შესაბამისი მომსახურებით, ინფორმირებულია მოკლე ტექსტური შეტყობინების მეშვეობით.

კომპანია „ყაზტრანსგაზ - თბილისი“ ბოდიშს უხდის აბონენტებს შექმნილი დისკომფორტის გამო და მოუწოდებს მათ არ დატოვონ უყურადღებოდ გაზის დანადგარები,” - ნათქვამია კომპანიის განცხადებაში.