ოთარ კახიძე უმრავლესობას - სასამართლო საქმეების ელექტრონული განაწილების წესი ჩანასახშივე მოკალით

სასამართლო სისტემაში საქმეების ელექტრონული განაწილების მნიშვნელოვენი წესი ჩანასახშივე თქვენვე მოკალით - დღეს უკვე საქმეები შემთხვევითობის პრინციპით აღარ ნაწილდება, - აღნიშნული განცხადება პარლამენტის პლენარულ სხდომაზე უმცირესობის ერთ-ერთმა ლიდერმა ოთარ კახიძემ გააკეთა.

კახიძემ “ქართულ ოცნებას“ კანონებში განხორციელებული ცვლილებები გაახსენა, როცა სასამართლოს თავმჯდომარეს მიენიჭა უფლება, თავად განსაზღვროს, ვინ არის ვიწროდ სპეციალიზებული მოსამართლე. როგორც კახიძემ განმარტა, ამ გზით მიხეილ ჩინჩალაძეს შესაძლებლობა მიეცა, ერთპიროვნულად განსაზღვროს, რომელი მოსამართლე რომელ საქმეთა კატეგორიაში იმუშავებს.

“თქვენ მემკვიდრეობით ნამდვილად მიიღეთ უმძიმესი პრობლემები სასამართლო სისტემაში, მაგრამ სულ წარსულზე საუბარი არასწორია. თქვენ მიიღეთ ერთის მხრივ კორუფციისგან გაწმენდილი სასამართლო გამართული ინფრასტრუქტურით, მაგრამ მეორეს მხრივ, მიიღეთ ხელისუფლების დაკვეთების შემსრულებელი სასამართლო, რაც იყო პრობლემა. საზოგადოების დაკვეთა ამ პრობლემის გამოსწორება იყო, მაგრამ ამის ნაცვლად თქვენ სასამართლოს მმართველი ჯგუფი გადაიფორმეთ და ახლა უკვე თქვენს დაკვეთებს ასრულებინებთ“, - განაცხადა ოთარ კახიძემ პარლამენტის პლენარულ სხდომაზე.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა