სოფიო ქაცარავა - ყველაზე დიდი მიღწევა, რაც ჩვენმა საგარეო პოლიტიკამ ქვეყანას მოუტანა, არის ის, რომ საქართველო უსაფრთხო და სტაბილურ ქვეყნად ჩამოყალიბდა

„ყველაზე დიდი მიღწევა, რაც ჩვენმა საგარეო პოლიტიკამ ქვეყანას მოუტანა, არის ის, რომ საქართველო უსაფრთხო და სტაბილურ ქვეყნად ჩამოყალიბდა“, – ამის შესახებ საგარეო ურთიერთობათა კომიტეტის თავმჯდომარემ სოფიო ქაცარავამ პლენარულ სხდომაზე განაცხადა.

როგორც „ინტერპრესნიუსს“ საქართველოს პარლამენტიდან აცნობეს, ქაცარავას თქმით, მიუხედავად იმისა, რომ საქართველოს ტერიტორიების 20% რუსეთის მიერაა ოკუპირებული და ქვეყანა უდიდესი გამოწვევის წინაშე დგას, საერთაშორისო ორგანიზაციები საქართველოს ყოველწლიურად ასახელებენ როგორც უსაფრთხო ქვეყნად.

„ეს არის უდიდესი ძალისხმევის და სწორი პოლიტიკის შედეგი. უსაფრთხოება და სტაბილურობა არის ნებისმიერი განვითარების და პროგრესის წინაპირობა“, - განაცხადა სოფიო ქაცარავამ.

საგარეო ურთიერთობათა კომიტეტის თავმჯდომარემ, ქვეყნის მიერ წარმატებულ საგარეო პოლიტიკაზე გაამახვილა ყურადღება.

„ჩვენი წარმატებული პოლიტიკის შედეგია ის, რომ ევროკავშირი და ნატო რეგიონში საქართველოს აღიარებს როგორც მთავარ, სანდო მოკავშირედ. ჩვენი პოლიტიკის შედეგია, რომ ამერიკის შეერთებული შტატები, ჩვენი მთავარი სტრატეგიული პარტნიორი - უპრეცედენტო მხარდაჭერას გვიცხადებს არაერთ საკანონმდებლო დოკუმენტში. ჩვენი ძალისხმევის შედეგია, ის რომ იძულებით გადაადგილებულ პირთა შესახებ გაეროს რეზოლუციის მიმართ მხარდამჭერი ქვეყნების რაოდენობა ყოველწლიურად იზრდება. ჩვენი თანმიმდევრული პოლიტიკის შედეგია ის, რომ საქართველოს სუვერენიტეტი და ტერიტორიული მთლიანობა საერთაშორისო საზოგადოების ყველა ფორმატის დღის წესრიგშია და მათი მხარდაჭერა ტერიტორიული მთლიანობის მიმართ არის მყარი და ურყევი“, - განაცხადა სოფიო ქაცარავამ.

საგარეო ურთიერთობათა კომიტეტის თავმჯდომარემ მთავარ ამოცანად გლობალურ კონტექსტში საქართველოს სტრატეგიული როლის განმტკიცების ხელშეწყობა დაასახელა.

„მთავარი ამოცანაა, კოლეგებთან ერთად, ხელი შევუწყო საქართველოს სტრატეგიული როლის განმტკიცებას გლობალურ კონტექსტში. ნებისმიერი ნაბიჯი და ძალისხმევა, ჩვენი ყოველდღიური საქმიანობა ქვეყნის შიგნით თუ გარეთ, ამისკენ არის მიმართული. მათ შორის საპარლამენტო დიპლომატია, საზედამხედველო და კანონშემოქმედებითი საქმიანობა“, - განაცხადა სოფიო ქაცარავამ.

როგორც მან განმარტა, საგარეო ურთიერთობათა კომიტეტის თავმჯდომარე, კომიტეტის წევრებთან ერთად, დიდ ყურადღებას ანიჭებს, ისეთ მნიშვნელოვანი თემებს, როგორიცაა არსებული საფრთხეების სიღრმისეული ანალიზი, მათი გამოვლენა, სწრაფი კოორდინაცია და გადაწყვეტილებების სწრაფი მიღება, ასევე, კომუნიკაციის სტრატეგიულად და სწორად წარმართვა.

„მაშინ როდესაც არა მხოლოდ საქართველო, არამედ მთელი თანამედროვე სამყარო მნიშვნელოვანი გამოწვევების წინაშეა, მათ შორის უსაფრთხოების, ჰიბრიდული ომის და მზარდი დეზინფორმაციის კუთხით, განსაკუთრებულ ყურადღებას ვანიჭებ კომუნიკაციის სტრატეგიულად და სწორად წარმართვას. ესეც ნაწილია იმ დიდი სურათის, რაც კიდევ უფრო გააძლიერებს და განამტკიცებს ქვეყნის უსაფრთოხებას. ამ ყველაფერს აქვს პირდაპირი კავშირი ჩვენს საგრეო პოლიტიკასთან, ჩვენს სამომავლო კიდევ უფრო წარმატებულ თანამშრომლობასთან, ყველა მეგობარ პარტნიორთან და რაც მთავარია, ქვეყნის შიგნით ამ პროცესების სწორად და თანმიმდევრულად წარმართვისთვის“, - განაცხადა სოფიო ქაცარავამ.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს