თამარაშვილზე დაჭრილ ერთ–ერთ მამაკაცს ოპერაცია ამ წუთებშიც უტარდება

თამარაშვილის ქუჩაზე დაჭრილ ერთ–ერთ მამაკაცს ოპერაცია ამ წუთებშიც უტარდება. ამის შესახებ „ინტერპრესნიუსს“ რესპუბლიკურ საავადმყოფოში განუცხადეს.

როგორც კლინიკაში აცხადებენ, შუახნის პაციენტს ცეცხლსასროლი იარაღით მიყენებული მრავლობითი დაზიანება აღენიშნება და მისი მდგომარეობა მძიმეა.

რაც შეეხება მეორე დაჭრილს, მას ოპერაცია ჩაუტარდა და მისი მდგომარეობა სტაბილურია. იგი რეანიმაციულ განყოფილებაში იმყოფება.

თამარაშვილის ქუჩაზე ორი მამაკაცის დაჭრის ფაქტზე შსს-მ გამოძიება დაიწყო. როგორც „ინტერპრესნიუსს“ უწყებაში განუცხადეს, თამარაშვილის ქუჩაზე მომხდარ დაჭრის ფაქტთან დაკავშირებით გამოძიება სისხლის სამართლის კოდექსის 19-109-ე და 236-ე მუხლებით დაიწყო, რაც დამამძიმებელ გარემოებებში განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

თვითმხილველების ინფორმაციით, თამარაშვილის ქუჩაზე მომხდარ გასროლას სიტყვიერი დაპირისპირება უძღოდა წინ. მათივე ინფორმაციით, მათ 5 გასროლის ხმა გაიგეს.

შემთხვევის შედეგად სხეულის დაზიანება მიიღო ორმა ადამიანმა. ორივე მათგანი რესპუბლიკურ საავადმყოფოშია გადაყვანილი. ფაქტთან დაკავშირებით სამართალდამცველები საგამოძიებო მოქმედებებს ატარებენ.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთის" 500 000-ლარიანი მხარდაჭერა ბავშვთა მცირე საოჯახო სახლებს
კომპანია "ნოვა" პანდემიის გამოწვევის დასაძლევად 65 000 ლარს გამოყოფს
პირველი კლინიკა დისტანცირებული რიგის მართვის სისტემით
„სმარტი“ წითელ ჯვართან და თბილისის მერიასთან ერთად საზოგადოებას ხანდაზმულთა მხარდამჭერ კამპანიაში ჩართვის საშუალებას აძლევს
კომპანია „ორბი ჯგუფი“ მედიკოსებს მადლობას უხდის