სასამართლო სისტემაში არსებულ ხარვეზებთან და უზენაესი სასამართლოს მოსამართლეთა სიასთან დაკავშირებით, მოქალაქეთა საინიციატივო ჯგუფი უზენაესი სასამართლოს შენობასთან დღეს აქციას გამართავს.

აქციის ორგანიზატორები მოითხოვენ, პარლამენტმა 2024 წლამდე გადადოს მოსამართლეთა უვადოდ დანიშვნის საკითხი და უარი თქვან მოსამართლეთა იმ შემადგენლობის განხილვაზე, რომელიც პარლამენტს წარედგინა.

მოქალაქეთა საინიციატივო ჯგუფი ასევე მოითხოვს, თანამდებობები დატოვონ იუსტიციის უმაღლესი საბჭოს იმ მოსამართლე წევრებმა, რომლებმაც მხარი დაუჭირეს ლევან მურუსიძის უვადო დანიშვნას და რომლებმაც პარლამენტს მოსამართლეთა სია წარუდგინეს.